• मेलाको उद्घाटन राष्ट्रिय योजना आयोगका उपाध्यक्ष वाग्लेले गर्ने

मोहसिन अलि मियाँ/गोरखा
पुस ६ गते । सदरमुकाममा भोलीदेखि सुरु हुने प्रथम गोरखकाली मेलाको तयारी अन्तिम चरणमा पुगेको छ । हरमटारी क्लबले पहिलो पटक गर्न लागेको मेलाको तयारी अन्तिम चरणमा पुगेको जनाएको छ । शुक्रबाट सुरु हुने मेलाको उद्घाटन राष्ट्रिय योजना आयोगका उपाध्यक्ष स्वर्णिम वाग्लेले गर्ने क्बलले जनाएको छ । ‘हामी मेला पहिलो पटक गर्दैछौ, यसलाई हामी सभ्य, भब्य बनाउन लागिपरेका छौ, मेलाको उद्घाटन गर्न योजना आयोगका उपाध्यक्ष स्वर्णिम वाग्ले आउने निश्चित भएको छ’ क्लबका अध्यक्ष विशाल गुरुङले भने

‘गोरखाको मौलिक संस्कार संस्कृतिको संरक्षण र प्रवद्र्धन पहिलो गोरखकाली मेलाको साँस्कृतिक अभियान’ भन्ने मुल नाराका साथ हुन लागेको मेला हुन लागेको हो । ‘लगभग हामी रेडि भयौ, अब केही साना तिना काम बाँकी छन्, ति सब आज सक्किन्छ’ अध्यक्ष गुरुङले भने ।

भाषा, संस्कृती र भेषभुषाको संरक्षण एवम प्रवद्र्धनका गर्ने उदेश्यका साथ हुन लागेको मेलामा करिब एक सय स्टल रहने आयोजकले जनाएको छ । सदरमुकाम स्थित खेलकुद मैदानमा आठ दिनसम्म चल्ने मेलाको हाल स्टेज र स्टल निर्माणको काम भइरहेको  क्लबका किरण ढकालले बताएका छन् । ‘खासमा पहिले हुने गरेका महोत्सव, मेला भन्दा बलि फरक शैलीमा हामी यो मेला गर्दैछौ, लगभग तयारी सकियो भन्दा पनि हुन्छ अब’

मेलालाई भब्य बनाउन क्लबले हिजोदेखि हरमटारी क्षेत्रको सिंगार समेत थालेको छ । यस क्षेत्रका मुख्य सडक र बजार क्षेत्रलाई सफा र धजापतकाले रंगाउने काम पनि भइरहेको मेला आयेजना सचिवालयले जानकारी दिएको छ ।

मेलालाई आकर्षक बनाउन क्लबले तिन वटा घोडा र एक उँट समेत ल्याउन लागेको बताएको छ । क्लबले पहिलो पटक गर्न लागेको मेलामा बिभिन्न मनोञ्जनात्मक प्रस्तुती दिन आउने ख्याती प्राप्त राष्ट्रिय कलाकारहरुको टुंगो लागिसकेको क्लबले जनाएको छ । लोक दोहोरी, पप, आधुनिक देखि राष्ट्रिय ब्याण्ड तथा हाँस्य कलाकारहरुको टुंगो लागिसकेको क्लबका ढकाल बताउछन् । ‘मेलामा को को कलाकार आउने भन्ने निश्चित भैसकेको छ’

मेलामा नेपाल आइडलका रनर अप प्रताप दासको समेत प्रस्तुती रहनेछ । साथै लोक दोहोरी गायक पशुपति शर्मा, बद्रि पंगेनी, तिश्ना गुरुङ, सर्मिला गुरुङ, कृति आले, बविता बाँनिया ‘जेरी’ लगायत आउने निश्चित भएको छ । त्यस्तै पप गायकहरु संजिव सिं, प्रमोद निर्वाण, श्रेया स्ताङ आउने आयोजकले जनाएको छ । मेला कै अवसरमा सविन राई र उनको ब्याण्ड समेत आउने निश्चित भएको ढकालले जानकारी दिएका छन् ।

त्यस्तै हाँस्य कलाकारहरुमा मनोज गजुरेल, कुमार कट्टेल ‘जिग्री’, अर्जुन घिमिरे ‘पाँडे’, केदार घिमिरे ‘माग्ने बुढा’, मरिचमान श्रेष्ठ ‘बल्छि धुर्बे’ लगायतका हाँस्य कलाकार आउने टुंगो लागिसकेको आयोजकले जनाएको छ । मेलाको अवोलोकन गर्नका लागि पचार रुपैया र विद्यार्थीका लागि ३० रुपैयाको टिकटको ब्यवस्था क्लबले गरेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए