कैलासबावुृ श्रेष्ठ/गोरखा
पुस ६ गते । जिल्ला ट्राफिक प्रहरी कार्यालयले ५ महिना २६ लाख भन्दा बढि राजश्व संकलन गरेको छ । साउन यताको जिल्लामा २६ लाख ४१ हजार राजश्व संकलन गरेको छ । ट्राफिक नियम उल्लंघन गरी सवारी चलाउनेहरुबाट उक्त रकम राजश्व असुलि गरेको हो । ‘हामीले उल्लंघन गर्ने सवारी चालकलाई कारवाही स्वरुप झण्डै साडे २६ लाख राजश्व उठाएका छौ, यो रकम सदरमुकामबाट मात्रै हैन जिल्ला भरबाट उठेको हो’ कार्यालयका दिपक थापाले भने ।
जिल्ला ट्राफिक कार्यालयले यस अवधीमा १ हजार ४ सय ५२ वटा सवारी साधनबाट उक्त रकम संकलन गरेको जनाएको हो । मोटरसाइकल, ट्रक, टिपर, बस, जिप, कार, भ्यान र ट्याक्टर कारवाहीमा परेका थिए । सवारी साधनको चाप बढे पछि सवारी नियम उल्घंन गर्नेको संख्यामा पनि दैनिक रुपमा बृद्वि भए सँगै राजश्वमा समेत बृद्वि हुदै गएको हो ।
आ.व.०७४÷०७५ को पहिलो साउन महिनामा साना ठुला गरी ५ सय सवारी कारवाहीमा परेको थिए । ती सवारी साधनबाट ३ लाख ३३ हजार ५ सय रुपैयाँ राजश्व संकलन भएको थियो भने भादमा त्यो संख्यामा बढेर ६ सय ५० सवारी साधान कारवाहीमा परेका थिए ।
असोज र कात्र्तिक महिनामा १÷१ हजार सवारी साधान नियम बिपरीत सञ्चालन गर्नेका संख्या मंसिरमा घटेर ८ सयमा पुगेको छ । कार्यालयले भाद्र महिनामा ४ लाख २० हजार, असोजमा ६ लाख ८४ हजार ५ सय र कात्र्तिक महिनामा ६ लाख ७४ हजार राजश्व संकलन गरेको थियो । त्यस्तै गरी मंसिर महिनामा नियम विपरीत सवारी सञ्चालन गर्नेहरुबाट ५ लाख २९ हजार रुपैयाँ राजश्व संकलन भएको छ ।
कारवाहीमा परेका मध्ये मादक पदार्थ सेवन गरेका ४६ जना, क्षमता भन्दा बढी भार बोकेका १ सय ७० सवारी, बिना नम्बर प्लेटका ८१ सवारी साधन र बिना सवारी चालक अनुमति पत्र सवारी चलाउने ६६ जना समेत कारवाही परेका कार्यालयले जानकारी दिएको छ । कार्यालयको रेकर्ड अनुसार १ हजार ४ सय ५२ वटा ट्रक, ३ सय ७१ बस, ६ सय कार/जिप/भ्यान, ७ सय ४ ट्याक्टर र ८ सय २३ वटा मोटर साइकल कारवाहीमा परेको छ । पछिल्लो समय गोरखामा सवारी वेथिति बढेको गुनासो पनि आएको प्रहरी कडाईका साथ चेकजाँच गर्दा उक्त समस्या बढेको स्थानिय बताएका छन् । ‘चाडपर्व, निर्वाचन लगायतका कुराले केही फितलो जस्तो देखिपनि अब हामी कडाईका साथ काम गछौं’ श्रेष्ठले भने । गोरखामा दुईपाङ्ग्रे सवारी साधनहरु विषेशगरी स्कुटर र ट्याकटर चालकहरुमा लाइसेन्स नभएको पाइएको छ । तर ट्राफिक प्रहरीले उक्त कुरालाई कडाईका साथ गर्ने बताएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए