नरेन्द्र ढकाल/गोरखा
पौष १ गते । प्रदेशसभामा नवनिर्वाचित सांसद हरिशरण आर्चायले बन्द रबर उद्योग र पालुङटारको बिमान स्थल पुनःसञ्चालन ल्याउने बताएका छन् । क्षेत्र नम्बर २ को प्रदेश सभा ‘क’ बाट निर्वाचित आर्चायले गोरखा समाचारसँग कुराकानी गर्दै आफ्नो निर्वाचन क्षेत्रमा पर्ने दुई ठुला संरचनालाई नयाँ ढङ्गले पुनः सञ्चालनमा दाबी गरे । ‘अहिले कै अबस्थामा यहि ढङ्गले रबर उद्योग चलाउन सकिदैन, यसको पुर्नसंरचना गर्नु जरुरी छ’ उनले भने ‘पालुङटारको एयरपोटको अबस्था पनि उस्तै छ, ती दुबै संरचनालाई नयाँ ढङ्गले सञ्चालने गर्ने मेरो प्रयास हुन्छ ।’ नेपालकै एक मात्र गोरखकाली रबर उद्योग लामो समय देखि बन्द हुँदा त्यसबाट गोरखाली जनतालाई ठुलो घाटा भएको भन्दै आर्चायले अब उद्योग आधुनिक किसिमले चलाउने पर्ने तर्क राखेका छन् ।
‘रबर उद्योगलाई एक पटक अलि नयाँ ढङ्गले गुरुयोजना बनाएर चलाउन चाहान्छौ’ पुरानो ढङ्गले हामीले नै चलाउने हो भने त्यो असम्भव छ’ आर्चायले भने । रबर उद्योग सञ्चालनका लागि यस अघि भएका सबै प्रयास चुहिने भाँडामा पानी हाले जस्तो भएकाले अब त्यस्तो हुन नदिन आफुले नयाँ गुरुयोजना निर्माण गर्ने आर्चायले बताए । पालुङटार बिमानस्थल चरन क्षेत्रमा परिणत हुँदै गएको र यस क्षेत्रका मानिसहरुले पुर्वाधार भएर पनि हवाईसेवा उपभोग गर्न नपाएको भन्दै आर्यायले एयरपोट पुनः सञ्चालनमा ल्याउने प्रयास पनि थाल्ने दावी गरेका छन् ।
गोरखाका ४ प्रदेश सभा क्षेत्र मध्ये सबै भन्दा सुगम मानिएको उक्त क्षेत्रमा बिजयी हुन पाउनु निकै खुसीको कुरा भएको भन्दै आफ्नै अगाडी अबसर र चुनौती दुबै भएको उनले बताए ।‘मेरो सामु अबसर र चुनौति दुबै छ, म चुनौती मोलेर अबसर सिर्जना गर्न चाहान्छु’ आर्चायले भने । गोरखा नगरपालिका वडा नम्बर ८ देखि १४ र पालुङटार नगरपलिका क्षेत्र नम्बर २ को प्रदेश सभा ‘क’ मा पर्छ । पृथ्वीराजमार्गको छेवैमा र मध्येपहाडी लोकमार्ग भएर जाने उक्त क्षेत्र थुप्रै संभावना भएकाले बस्ती बिकासको कामलाई विशेषजोड दिने आर्यायको योजना छ ‘हामीले काठमाण्डौबाट देखि सकेका छौ, बेलैमा बस्ती बिकास गर्न सकेनौं भने के हुन्छ भनेर, पालुङटारलाई नेपाल कै व्यवस्थित शहर बनाउने मेरो प्रयत्न हुनेछ ।’
विगत देखि चर्चामा रहेको स्मार्ट सिटी र औधोगिक क्षेत्रको बारेमा अध्ययन गरी काम अगाडी बढाउने आर्चायले बताए । गोरखा नगरपालिका र पालुङटार नगरपालिका भित्र प्रशस्त खेति योग्य भुभाग रहेकोले विगत देखि चर्चामा रहेका चेपेघाट सिंचाई आयोजना र कुन्दुुरटार सिंचाई आयोजनाको काम अगाडी बढाउनका साथै अन्य स्थानमा लिफ्टिङ प्रविधिबाट सिंचाईका पुर्वाधारहरु निर्माण गर्ने उनले बताए । ‘गोरखकाली र लिगकोटको पाउमा रहेका अति सुन्दर, संभावनाले भरिएको यो क्षेत्रलाई ५ वर्षमा सबैले तारिफ गर्न लायक बनाउने मेरो प्रतिज्ञा छ’ आर्चायले भने ।
भुकम्प पछिको पुर्ननिर्माणको कामलाई पनि मुख्य प्राथमिकतमा राखेर काम गर्ने उनको योजना छ । आर्चाय बाम गठबन्धनका तर्फबाट उम्मेदवार बनेकी माओवादी केन्द्रकी कमला नहर्कीलाई ३ हजार २७८ मतान्तरले पछि बिजयी भएका हुन । २९ हजार १२६ मत खसेको उक्त क्षेत्रमा आर्चायले १५ हजार ३४३ ल्याएका थिए भने नहर्कीको १२ हजार ०६५ आएको थियो । आर्चाय पालुङटार नगरपालिका २ स्थायी बासिन्दा हुन् ।