नरेन्द्र ढकाल/गोरखा
कात्र्तिक ११ गते । गोरखाको अजिकोट गाउँपालिका वडा नम्बर ५ मुच्चोकका शकंर लामिछानेले ब्लक उद्योग खोलेका छन् । इन्टरलक ब्लक बनाउने काम सिकेर गाउँमा आएका लामिछानेले १० लाख लगानीमा उक्त उद्योग सञ्चालनमा ल्याएका हुन् । ‘आफूले सिकेको काम गाउँमै गएर गरौं जसले गर्दा भुकम्प पिडितहरुलाई घर बनाउन पनि सजिलो होस् भनेर काम सुरु गरेको हुँ’ गोरखा समाचारसँग कुराकानी गर्दै लामिछानेले भने ।
भुकम्प पछिको पुर्ननिर्माणमा सहयोग पु¥याउने उदेश्यले उद्योग खोलेको उनको भनाई छ । गत वर्ष चैत्रबाट सञ्चालनमा आएको जय दुर्गा चण्डी ब्लक उद्योगमा अहिले इन्टरलक बल्क सँगै आँखी झ्याल, रेलिङ र भगवानका मुर्तिहरु निर्माण भईरहेको छन । ‘मुख्य जोड त बल्कलाई दिएको छु, माग पनि बल्क नै आउँछ, अरु सामानहरु पनि बनाइरहेका छु’ लामिछानेले भने । माटो, बालुवा, सिमेन्ट र बिशेष खालको रसायन मिसाएर उक्त ब्लक बनाईन्छ । जसका लागि ४ भाग माटो, दुई भाग बालुवा र १ भाग सिमेन्ट मिसाउनु पर्छ । ‘पागो माटोको ब्लक राम्रो हुन्छ, यदी पागो माटो छैन भने बालुवा धेरै खर्च हुन्छ’ लामिछानेले भने ।
रखा बारपाक सडक अन्तर्गत साबिकको मुच्चोक गाविसमा दरौदी हाईड्रो पावरको ड्याम नजिकै रहेको उनको ब्लक उद्योगमा अहिले ५ जना कामदारहरुले काम गर्दै आएका छन् । एउटा ब्लकको मुल्य ५० रुपयाँ तोकिएको छ । दुई कोठे घर निर्माणको लागि करिब ७० हजारको रुपयाँ बराबरको ब्लक आवश्यक पर्ने लामिछानेले बताए । ‘दुई कोठाको एउटा घर बनाउन १३/१४ सय बल्क भए पुग्छ’ उनले थपे । इन्टरलक ब्लकले घर बनाउँदा खर्च कम लाग्ने उनको दाबी छ । उक्त ब्लकमा प्लास्टरका लागि सिमेट बालुवा पनि कम लाग्ने र मिस्त्री खर्च जम्मा चार÷पाँच जना भए पुग्ने लामिछानेको बताए ‘ढुङ्गाको गाहो लगाउने ४ जनाको काम एउटै मिस्त्रीले गर्न सक्छ, यो बल्कले घर बनाउँदा खर्च पनि कम लाग्छ । ’ ब्लक बनाउँदैमा फिनिसिङ भइसकेको हुनलाई प्लास्टर खर्च पनि कम लाग्ने उनको भनाई छ ।
इन्टरलक ब्लकको विचमा एउटा प्वाल राखिएको हुन्छ उक्त प्वालमा भने सिमेन्ट बालुवाको घोल हाल्नुपर्ने त्यसले घर बलियो बनाउने लामिछानेले बताए । मापदण्ड अनुसार बनेका इन्टरलक बल्कले आवश्यक सबै प्रक्रिया पु¥याएर घर बनाए आर्कषक र सुरक्षित दुबै हुने इन्जिनियरहरुले समेत बताएका छन् । गाउँमा आएर व्यवसाय गरेका लामिछानेलाई बिऊ पुँजी थोरै भएको छ ।
ऋण सहयोग पाएको खण्डमा लगानी बढाएर काम गर्ने उनको योजना छ । ‘गाउँमा आएर काम गरेको छु, यहाँ बैङ्क छैन्, ऋण खोज्दा पनि पाएको छैन्, कहीँबाट सहयोग पाएँ काम बिस्तार गर्थे’ लामिछानेले गुनासो गरे । बैङ्क तथा बित्तिय सस्थाले पनि सहयोग गर्नुका सट्टा अनावश्यक झण्झट दिएको उनको भनाई छ ।