कैलासबावु श्रेष्ठ/गोरखा
कात्र्तिक ८ गते । एभरेष्ट बैंक लि.को २३ औं बार्षिक उत्सवको अबशरमा गोरखा सदरमुकाममा रहेको गुरुकुलका बिद्यार्थीहरुलाई बैंकले जुत्ता र कम्बल सहयोग उपलब्ध गराएको छ ।
बैंकले बार्षिक उत्सब मनाउने क्रममा संस्थागत सामाजिक उत्तरदायित्वमा पुरा गर्दै गुरुकुलमा अध्ययनरत बिद्यार्थीहरुका लागि जुत्ता र कम्बल उपलब्ध गराएको गोरखा शाखाका प्रबन्धक चन्द्र गुरुङ्गले बताए । गुरुङ्गका अनुसार गुरुकुलका बिद्यार्थीहरुलाई २० जोर जुत्ता र २ थान कम्बल उपलब्ध गराएको हो ।
गुरुकुलमा कालीकोट, बाजुरा, मुगु र गोरखाका गरी २० जना बालकहरुले अध्ययन गर्दै आएको छ ।
