मोहसिन अलि मियाँ/गोरखा
असोज २७ गते । प्रदेश र प्रतिनिधि सभा निर्वाचनको मिति नजिकिदै गर्दा जिल्लाका सांसदहरुले निर्वाचन क्षेत्र पुर्वाधार कार्यक्रमको रकम बाँडफाँड गरेका छन् । सरकारले केही दिन अघि मात्र व्यवस्थापिका सांसदहरुलाई ३ लाखका दरले उपलब्ध गराएको उक्त रकम मार्फत बिहिवार योजना छनोट गरिएको छ । राती अबेर सम्म जिल्ला समन्वय समितिको बैठक कक्षमा छलफलमा जुटेका निर्वाचित सांसदहरु हितराज पाण्डे, शहरी विकास राज्य मन्त्री एवं सांसद छम बहादुर तमु र कृष्ण धिताल (क्षेत्र नम्बर १ का प्रतिनिधि)ले ९ करोड बराबरको योजना छनौट गरी बजेट नियोजन गरेका हुन् । ‘प्रत्यक्ष तर्फका सांसदहरुको संयोजकत्वमा निर्वाचन क्षेत्र विकास अन्तरगतको रकमहरुको योजना छनौट गरिएको हो’ जिल्ला प्राविधिक कार्यालयका प्रमुख इन्जिनियर होमनाथ पौडेलले भने ।
केहि दिन पछि संसद बिघटनको गरी केन्द्र र प्रदेशको निर्वाचनको तयारी भइरहेका बेला जिल्लामा भने चुनावलाई लक्षित गरेर कार्यकर्ता रिझाउन सांसदले रकम बिनियोजन गरेको केही नेताको आरोप छ । ‘चुनाव आउन आउनै लाग्दा विकासका नाममा यसरी पैसा बाड्न कहाँ पाइन्छ, यो त सबै कार्यकर्ता रिझाउन जस्तो देखिन्छ’ जिल्लाका एक नेताले भने ।
संसद विघटनको मिति नजिकिदै गर्दा सो शिर्षकको रकमको योजना छनौट गर्ने अन्तिम दिन जिल्लाको क्षेत्र नम्बर २ का प्रत्यक्ष तर्फका सांसद हितराज पाण्डे, क्षेत्र नम्बर ३ का सांसद एवम सहरी विकास राज्यमन्त्रि छम बहादुर गुरुङ र समानुपातिक सांसद कृष्ण धिताल जिल्ला आएका हुन् । क्षेत्र नम्बर १ मा भने चुनाव जितेका डाक्टर बाबुराम भट्टराईले सांसदबाट राजिनामा दिएपछि नेकपा माओवादीले समानुपातिक तर्फका सांसद कृष्ण धिताललाई प्रतिनिधीका रुपमा तोकेको थियो ।
निर्वाचन क्षेत्र पूर्वाधार बिशेष कार्यक्रम अन्तरगतको ९ करोड रकम बिनियोजन गर्न जिल्ला आएका सांसदहरुले अधिकांश रकम सडक निर्माण र कृषि विकासका लागि बिनियोजन गरिएको राज्यमन्त्रि एवम सांसद तमुले बताएका छन् । लामो कसरत र निर्देशिका अनुसार नै योजना छनौट गरिएको पनि मन्त्रि तमुको दावी छ । ‘हामीले लामो होमवर्क गरेर निर्देशिकाले भनेअनुसार नै पूर्वाधार विकासका लागि योजनाहरु छनौट गरेका छौ’ गोरखा समाचारसंग कुरा गर्दै मन्त्रि तमुले भने ।
भुकम्पको केन्द्रबिन्दु जिल्ला भएकाले भुकम्पले भत्काएका सार्वजानिक पूर्वाधारहरुको पुननिर्माण संगै पर्यटन विकासमा पनि बजेट विनियोजन गरिएको उनको भनाई छ । निर्वाचन नजिकिदै गरे पनि कार्यकर्ता लक्षित योजना बिनियोजन छनौट नगरिएको दावी गर्दै मन्त्रि तमुले जिल्ला परिषदले पारित गरेका र गाँउमा अधुरा रहेका योजनाहरुलाई पुरा गर्ने उदेश्यले रकम बिनियोजन गरिएको बताएका छन् ।
प्रत्यक्ष तर्फको सांसदले पाउने ३ करोड रकम बिनियोजन भएता पनि समानुपातिक तर्फका सांसदहरुले पाउने ५०÷५० लाख रकम भने बिनियोजन नभएको कार्यालयका प्रमुख इन्जिनियर पौडेलले बताएका छन् । हाल बिनियोजन भएको ९ करोड बराबरको योजनाको ड्राफ्ट तयार भएको भएपनि कुन योजनामा कति रकम बिनियोजन भयो भनने बारे भने केही दिनमा सार्वजानिक गर्ने तयारी भएको पौडेलको भनाई छ । सो शिर्षकको रकम बिनियोजन गर्ने हिजो अन्तिम दिन भएकाले सबै काम सम्पन्न गर्न कठिन भएको उनको भनाई छ । सबै दलको सहमतीमा सरकारले निर्वाचन अघि सांसदहरु मार्फत उक्त रकम खर्च गर्ने योजना बनाए पछि उक्त कार्यक्रमका प्रचावले निर्वाचनमा पहिलेका अनुहारहरुकै र्बचश्व रहन सक्ने कतिपयको आंकलन छ । हाल व्यवस्थापिका संसदमा रहेका देशभरीका सांसदहरुले निर्वाचन क्षेत्र पुर्वाधार बिकास कार्यक्रमको रकम बाँडफाँड गरिरहेका छन् ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए