- १ करोड ९८ लाख बिनियोजित
कैलासबावु श्रेष्ठ/गोरखा
भाद्र १६ गते । गोरखा जिल्लाको सुन्तला खेतीलाई स्तरोउन्नती गर्दै सुन्तला जोनमा समावेश गरीएको छ । प्रधानमन्त्री कृषी आधुनिकरण परियोजना मार्फत गोरखा जिल्लाको सुत्तला खेतीलाई स्तर बृद्वि गर्ने उद्वेश्यका साथ सुन्तला पकेट क्षेत्र बाट स्तर बृद्वि गरी जोनमा लगिएको हो । ‘ठुला अनुदान सहित यूवा पुस्तालाई विदेशीन बाट रोक्ने उद्वेश्यका साथ परियोजनाले गोरखा जिल्लालाई सुन्तला जोनमा राखेको’ प्रधानमन्त्री कृषी आधुनिकरण परियोजना अनुगमन तथा मुल्यांकन अधिकृत किशोर पन्तले बताए ।
सुन्तला जोनमा गोरखा जिल्लालाई समावेश गरे संगै स्थलगत अध्ययन लागि गोरखा आएका अनुगमन टोलीले जिल्ला कृषि बिकास कार्यालय गोरखामा एक अन्तरक्रिया कार्यक्रम समेत सम्पन्न गरेको छ । सुन्तला जातका खेती गर्ने सबै किसानले सुन्तला जोनमा जान आवश्यक भएको भन्दै सहमती दिएको थियो ।
सहमति पछि गोरखा जिल्लाको गोरखा नगरपालिका, गण्डकी, भिमसेन र शहिद लखन गाउँ पालिकाका सबै वडाका साथै पालुङ्गटार नगरपालिकाको वडा नम्बर ९ र १० लाई समावेश गरी सुन्तला जोन निर्माणका लागि समिती अनुगमनमा गएको छ ।
सुन्तला जोन बनाउनका लागि ५ सय हेक्टर अर्थात १० हजार रोपनीमा सुन्तला खेती गरीएको हुनुपर्ने निती तय भएको जिल्ला कृषि विकास कार्यालय गोरखाका वरिष्ठ कृषि विकास अधिकृत यामकुमार श्रेष्ठले बताए । गोरखा जिल्लामा अहिले १ हजार हेक्टर अर्थात २० हजार रोपनी क्षेत्रफलमा सुन्तला खेती भएको कार्यालयको रेकर्डमा देखीन्छ ।
प्रमुख कृषि उपजहरुको विशिष्टकृत क्षेत्रहरु निर्माण गर्ने देखी निर्यात योग्य कृषि बस्तुहरुको मूल्य अभिबृद्वि गर्दै प्रतिस्पर्धात्मक क्षमता अभिबृद्वि गर्ने परियोजनाको मुख्य उदेश्य रहेको बिभागका अनुमगन अधिकृत पन्तले बताए । पन्तका अनुसार कृषिलाई सम्मानजनक नाफामुखी ब्यवसायको रुपमा बिकास गर्दै रोजगारीका अवसरहरु सृजना गनुका साथै बहुसरोकारवाला निकायहरुको बिचको कार्यमूलक समन्वय मार्फत प्रभावकारी सेवा प्रवाहको सुनिश्चितता गनु पनि परियोजनाको उद्वेश्य रहेको छ ।
जोनका लागि १ करोड ९८ लाख बिनियोजित
देश भरी नै सुन्तलाको लागि ख्याती कमाएको गोरखा जिल्लामा गएको बर्ष देखी मात्र सुन्तलामा स्टिकर लगाउन थालीएको छ । प्याक्टको सहयोगमा गोरखाको मनकामना क्षेत्रको सुन्तलामा लगाएको स्टिकर पछि बजारमा मनकामनाको सुन्तला भनेर ठगी गर्नेहरु बाट सुन्तला उपभोत्ता सुरक्षित भएको छ ।
सुन्तलाको गुण स्तर देखी बगौचा बिस्तार तथा सिंचाई, बन तथा भू–संरक्षण र उद्योग सञ्चालन सम्ममा लगानी गर्ने परियोजनाको उद्वेश्य रहेको छ । परियोजनाका मुल्यांकन अधिकृत पन्तका अनुसार यो परियोजनामा लागु हुने क्षेत्रमा समिति निर्माण हुने छ । समितिले किसान संग सुन्तला जातको खेती देखी उद्योग सम्मका लागि माग गर्ने र स्विकृत रकमको ७० प्रतिशत किसानले पाउने छ भने समितिमा ३० प्रतिशत रकम रहने प्रावधान रहेको छ ।
१० बर्ष सम्म चल्ने यो परियोजनाले जोनमा गय लगत्तै श्रोत केन्द्र सहयोग, प्रविधी तथा प्राविधिक सहयोग, कृषि यान्त्रीकरण, साना सिंचाई सहयोग, पोष्ट हार्भेष्ट सेन्टर र कृषि ब्यवसाय प्रबद्र्वन सहयोग गर्ने गरी गोरखा जिल्लालाई मात्रै १ करोड ९८ लाख रुपैयाँ बिनियोजित भएको छ ।