- ७३ जनाको खातामा रकम गयो, ५ सयलाई आज जाने
मोहसिन अलि मियाँ/गोरखा
भाद्र १४ गते । निजि आवास अनुदान दोश्रो र तेश्रो किस्ता माग गरेका भूकम्प पिडितको खातामा रकम जान थालेको छ । नयाँ आर्थिक वर्ष सुरु भए सँग बन्द भएको उक्त प्रक्रिया फेरी सुरु भएको हो । स्थानीय तह वा जिल्ला समन्वय समिति रकम कहाँ पठाउँने भन्ने अन्यौलताका कारण रोकिएको अनुदान वितरणको प्रक्रिया पुर्ण सुरु भएको छ ।‘भुक्तानीका लागि हामी कहाँ सिफारिस भई आएकाहरु खातामा रकम पठाउने थालेका छौ’ जिल्ला समन्वय समितिका लेखा अधिकृत दिपेन्द्र अर्यालले भने ।
साउन १ गते यता जिल्लामा ७३ जनाले अनुदानको किस्ता प्राप्त गरेका छन् । जसमध्ये ८ जनाले पहिलो किस्ता लिएका छन् । त्यस्ते ६४ जनाले दोस्रो किस्ता र १ जनाले तेस्रो किस्ता कार्यालयका लेखा अधिकृत अर्यालले जानकारी दिएका छन् ।
असार मसान्त पछि सरकारी कार्यबिधिको अन्यौलका कारण जिल्लाको पुनःनिर्माण प्रभावित लगयतका समाचार बाहिरीएपछि त्यस लगत्तै कार्यालयले अन्यौलताका बिच नै पुनःनिर्माणको प्रक्रिया अघि बढाएको थियो । सोही अनुसार १ सय ४ जनाको फाईल पठाईएकोमा जम्मा ७३ जनाको मात्र पास भई उनिहरुको खातामा अनुदानको रकम गएको कार्यालयका लेखा अधिकृत अर्यालको भनाई छ । ‘हामीले १ सय ४ जनाको फाईल पठाएका थियौ, तर बिभिन्न कारणले ७३ जनाको मात्र एप्रुभ भएर आयो, अहिले उनिहरुको खातामा रकम गईसकेको छ ।’ उनले भने ।
जिल्लामा मापदण्ड पूरा गरि घर बनाउन थालेका भुकम्पपिडितको फाईल लामो समयसम्म कार्यालयमै थन्किदा पिडितले भने सास्ती खेप्नु परेको छ । लामो समय कार्यालयमा थन्किएर प्रक्रिया अघि बढेका करिब ५ सय जनाको खातामा भने आज अनुदानको रकम हाल्ने तयारी भएको कार्यालयले जनाएको छ । ‘हामी आजै ५ सयको हाराहारीको खातामा रकम हाल्ने तयारीमा छौ, उनिहरुको चेक बनिसकेको छ’ लेखा अधिकृत अर्यालले भने ।
यस मध्ये कति जनालाई पहिलो, दोस्रो र तेस्रो किस्ता लिदैछन् भन्ने चाही स्पष्ट नभइसकेको उनको भनाई छ । ‘हामीले डाटा इन्ट्रि गर्न भ्याएका छैनौ, आज दिनभरीमा सो काम सकिने र सबैको विवरण थाहा हन्छ तर कति जनालाई कुन किस्ता जादैछ भन्ने चाही अहिले भन्न सकिने अबस्था छैन ।’ भूकम्प पिडितका लागि निजी आवास अनुदान वितरण गर्न जिल्लामा ३ अर्ब रुपयाँ निकासा भईसकेको छ । तर अहिले सम्म जिल्लाको पुर्णनिर्माणको कामले सन्तोषजक रुपमा गति लिन सकेको छैन् ।