- बैंकिङ कसुरमा मुद्दा दर्ता
कैलासबावु श्रेष्ठ/गोरखा
भाद्र १२ गते । तनहुँको आँबुखैरेनी बजारमा रहेको माई मनकामना सहरकारी संस्था लि.मा कीर्ते दस्तखत गरी ठगी गरेको आरोपमा एक दम्पत्ती राजधानीमा पक्राउ परेका छन् ।
सहकारीको १ करोड ४० लाख रुपैयाँ ठगी गरेको आरोपमा कृण्ण श्रेष्ठ र उनका श्रीमती बबिता श्रेष्ठ दम्पत्तिसहित सहकारीका व्यवस्थापक, लेखापाल र यती बैंकका सहायक समेतलाई प्रहरीले नियन्त्रणमा लिएको छ । रकम ठगी गरेको निवेदन केन्द्रीय अनुसन्धान ब्युरोमा परेपछि प्रहरीले व्यापक खोजतलास पछि मकवानपुर हेटौंडा उपमहानगरपालिका–८ स्थायी घर भई काठमाडौंको टोखा नगरपालिका– ६ धापासी बस्ने कृष्ण र बबिता लाई प्रहरीले पक्राउ गरेको हो ।
पक्राउ परेका उनीहरू बाट ४२ लाख ६१ हजार नगदसहित विभिन्न बैंकको चेक, आईप्याड, मोबाइल सेट, किर्ते दस्तखत गर्न नक्कल गरेको कपी, संस्थाको नक्कली स्ट्याम छाप, विभिन्न व्यक्तिको सक्कल नागरिकता र जग्गाधनी पुर्जासमेतका बरामद भएको छ । प्रहरीले उनिहरु विरुद्ध बैंकिङ कसुरमा मुद्दा दर्ता गरी अनुसन्धान गरिरहेको छ ।