• यो बर्ष १० करोड बिनियोजन

कैलासबावु श्रेष्ठ/गोरखा
भाद्र १० गते । नेपाल सरकारको महत्वकांक्षी योजना मध्ये बेनीघाट–आरुघाट–आर्खेत–लार्केभञ्ज्याङ्ग सडकको जिम्मा पाएको नेपाली सेनाले अहिले लापु बेशी सम्म सडकको ट्रयाक खोल्ने काम सम्पन्न गरी सकेको छ । उत्त सड्कका लागि यो बर्ष १० करोड रुपैयाँ बिनियोजन भएको छ ।

मुग्लीन–काठमाण्डौंको बेनीघाट देखी उत्तरी गोरखाको लार्केभञ्ज्याङ्ग सम्मको १ सय ८३ किलो मिटर सडक मध्ये नेपाली सेनाले एक्लेभिर देखी लार्केभञ्ज्याङ्ग सम्म सडक निमाृण गर्ने जिम्मा पाएको हो । यस अघि नै बेनीघाँट देखी एक्लेभिर वर सम्मको ६० किलो मिटर सडक भने सडक विभागले विभिन्न चरणमा गरी निर्माण गरी सकेको छ ।

विभागले ठेकेदार मार्फत अग्ला पहारा र त्यसमा रहेको कडा चट्टान फोर्न नसक्ने भए पछि नेपाल सरकारले रक्षा मन्त्रालय अन्तरर्गत रहेको नेपाली सेनालाई सडकको जिम्मा लगाएको थियो ।

पर्यटकीय, ऐतिहासिक तथा पुरातात्वीक हिसाब तथा बैदेशीक ब्यापारको हिसाबले निकै महत्व राख्ने गोरखाको लार्केभञ्ज्याङ्गको सडक निर्माणका लागि नेपाल सरकार रक्षा मन्त्रालय मार्फत यो बर्षको लागि १० करोड रुपैयाँ निकासा भएको हो । नेपाली सेनाले एक्ले भिर देखी लार्केभञ्ज्याङ्ग सम्मको १ सय २३ किलो मिटर सडक निर्माणको जिम्मा लिएको हो । लार्केभञ्ज्याङ्ग सम्म सड्क पुगे संगै चिनको सिमा तिब्बतको सम्म सरकारले सडक बनाउने योजना बनाएको छ ।

तिब्बतको ग्याला वा ल्याजुङ्ग कुन नाका जोड्ने भन्ने बिषयमा सरकार अन्योल भएको छ । लार्केदेखी तिब्बतको ग्याला सम्मको दुरी ३० किलो मिटर रहेको छ । ५ अर्ब भन्दा बढी पैसा खर्च हुने अनुमान गरीएको उत्तको सडक नेपाली सेनाले ०७४ बैशाख ११ गतेबाट निर्माण थालेको हो । चीनले भने तिब्बतको क्षेत्रमा रहेको नेपालको सीमासम्म सडक बनाइसकेको छ ।

तस्बिर सौजन्य सडक कार्यदल मेजर निशान्त क्षेत्री   

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए