कैलासबावु श्रेष्ठ/गोरखा
साउन ८ गते । जिल्ला मालपोत कार्यालयले लक्ष्य भन्दा ८० प्रतिशत राजश्व संकलन गरेको छ । गत आर्थिक बर्षमा कार्यालयले ६ करोड १७ लाख ६२ हजार १ सय ३५ रुपैयाँ संकलन गरेको मालपोत अधिकृत पुरन गिरीले बताए । ‘गत वर्ष हाम्रा लागि निकै अर्थपुर्ण रह्यो, लक्ष्य भन्दा बढि काम गर्न सफल भईयो’ गिरीले भने ।
गएको आर्थिक बर्षमा विभिन्न शीर्षकमा गरी ६ करोड भन्दा बढी राजश्व संकलन गर्न सफल भएको हो । कार्यालयले रजिष्टेशनबाट मात्रै ४ करोड ८७ लाख ४८ हजार २ सय ९८ रुपैयाँ संकलन गरेको छ ।
धितो तथा रोक्का, पूँजिगत लाभकर, रोक्का, प्रतिलिपी, संशोधन र घर कायम तथा नामसारी, दाखिल खारेज, दण्डजरिवाना, फारम तथा रातो पूर्जा बिक्री जस्ता उक्त रकम संकलन भएको हो । कार्यालयको रेकर्ड अनुसार आ.ब.०७३/०७४ मा धितो तथा रोक्का शीर्षकमा ५२ लाख ८९ हजार ६ सय र पुजिगत लाभकरमा ६० लाख ६ हजार ४२ रुपैयाँ राजश्व संकलन भएको छ भने रोक्का, प्रतिलिपी, संशोधन र घर कायममा ३ लाख ८७ हजार ५ सय ५० रुपैयाँ राजश्व उठेको छ । बर्षेनी देश भरी भएको मालपोत कार्यालयले कति राजश्व संकलन गर्ने भनेर विभागबाट लक्ष्य निर्धारण हुने गर्छ । उक्त लक्ष्यका आधारमा जिल्ला काम गर्ने प्रचलन छ । ‘विभागले हामीलाई जुन लक्ष्य तोकेको थियो, सो भन्दा निकै धेरै काम भयो’ गिरीले भने । गएको बर्षहरुमा जिल्ला भित्रको जग्गाको मुल्याङ्कन नै कम रहेर्ने गर्थो ।
आगामी बर्षमा नेपाल सरकारले पाउने राजश्वमा शतप्रतिशत बृद्वि हुने अनुमान गरीएको छ । जग्गाको मुल्यांकन पुनरावलोकन गरी बृद्वि गरिने र त्यसबाट आउने राजश्व यो आर्थिक बर्षमा १२ करोड माथि पुग्ने अनुमान रहेको कार्यालय प्रमुख गिरीले बताए ।
यता कार्यालयले गत आर्थिक बर्षमा नामसारी, दाखील खारेज, संशोधन, दण्ड जरिबानाबाट ८ लाख ३१ हजार १ सय ४५ रुपैयाँ, फारम तथा लालपुर्जा बिक्री ४ लाख ९९ हजार ५ सय रुपैयाँ गरी कुल ६ करोड १७ लाख ६२ हजार १ सय ३५ रुपैयाँ राजश्व संकलन गरेको थियो ।
बुढीगण्डकी प्रभावित क्षेत्रको मुआब्जा तोकिनु अघि भएको जग्गाको कारोवारले बढि राजस्व सकंलन भएको कर्मचारीहरु बताउँछन् ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए