गोरखा समाचारदाता
नेपाल उद्योग वाणिज्य महासघंकी केन्द्रिय अध्यक्ष भवानी रानाले स्थानिय तहमा निर्वाचित जनप्रतिनीधि सँग निजि क्षेत्रको थुप्रै अपेक्षा रहेको बताएकी छिन् । गोरखा उद्योग वाणिज्य संघको बहुउदेश्यिय भवनको उद्घाटन गर्दै उनले स्थानिय निर्वाचन पछि मुलकमा विकास र समृद्धिको ढोका खुलेको विश्वास व्यक्त गरिने‘सरकार, स्थानिय तह, नीजि क्षेत्र र जनता सबै विकास चाहन्छन्, हामी पनि उत्साहित भएका छौ ।’ धेरै वर्ष पछि नेपालको अर्थतन्त्रमा थुप्रै सम्भावना देखिएको भन्दै उनले अहिलेको आर्थिक बृद्धिदर सो स्पष्ट पारेको बताईन ।
लामो समय सम्म स्थानिय तहमा जनप्रतिनीधि नहुँदा नीजि क्षेत्रले पनि निकै समस्या भोग्नु परेको भन्दै राणाले नवनिवार्चित जनप्रतिनीधि सँग निजी क्षेत्रको थुपै्र अपेक्षा रहेको बताएकी हुन् । स्थानिय तहले पाएको अधिकारको सदुयोग गरी स्थानिय सरकार र निजी क्षेत्रले सहकार्य गरेर अगाडी जानुपर्नेमा जोड उनले जोड दिईन ।‘अब त स्थानिय तह मै अधिकार आएको छ, निजी क्षेत्र र स्थानिय सरकार दुबै मिलेर काम गर्नुको बिकल्प छैन’ राणाले भनिन् । गोरखाको ऐतिहासिक, धार्मिक र पर्यटकिय संभावनाहरुलाई आधार मानेर विकासको खाका बनाउन सके क्षेत्र छिटो फड्को मार्ने उनको दाबी छ ।
भर्खरै सरकारले ल्याएको बजेटमा नीजि क्षेत्रका थुप्रै अपेक्षाहरु रहेको भए पनि संबोधन भने हुन नसकेको उनको भनाई छ‘निर्वाचन लगायतका विभिन्न कुराहरुले बजेटमा नीजि क्षेत्रका सबै कुरा अटाएका छैन,सरकारले उक्त कुराको बिस्तारै संबोधन पर्छ भन्ने हाम्रो विश्वास छ ।’सरकार दिएको आश्वासन पुरा गर्नेमा विश्वास आफूहरु विस्वस्त रहेको उनले बताइन् ।
कार्यक्रममा गोरखा नगरपालिकाका मेयर राजनराज पन्तले आफूहरु निजी क्षेत्र सँग सहकार्य गरेर अघि बढ्न तयार रहेको बताए ।‘राज्यको एकल प्रयास बाट मात्र गोरखा नगरपालिकाको बिकास सम्भव छैन्, अब निजी क्षेत्र पनि सँगै आउनु पर्छ ’ पन्तले भने ।
नगरपालिकाको बिकास र समृद्धिका लागि निजी क्षेत्रले लगानी गर्ने वातावरण मिलाउन आफू सधै तयार रहको मेयर पन्तले बताए ।गोरखाका प्रमुख जिल्ला अधिकारी जितेन्द्र बस्नेतले उत्तर तिब्बत जोड्ने मार्ग निर्माण, जिल्लाका आबाधिक क्षेत्र सँग जोड्न सडक कालोपत्र गर्ने काम दुर्त रुपमा अघि बढेको भन्दै उक्त कार्यले जिल्लाको आर्थिक विकासमा ठुलो मद्धत पुग्ने विश्वास व्यक्त व्यक्त गरे ।
। उद्योग वाणिज्य सघंको विशेष साधरण सभा एवं बहुउदेश्य हल उद्घाटन कार्यक्रममा सहभागी हुन गोरखा आउनु भएकी राणाले गोरखाका महिला उद्यमीहरु सँग पनि छलफल गरेकी थिइन् ।
करिब १ करोड लागतमा बनेको उक्त बहुउदेश्यिय सभाहलको शनिवार एक कार्यक्रमका वीच महासघंकी अध्यक्ष भवानी राणाले उद्घाटन गरेकी हुन् । गोरखा उद्योग वाणिज्य सघंका अध्यक्ष श्रवण जोशीको अध्यक्षमा तथा राणाको प्रमुख आतिथ्यमा भएको कार्यक्रममा प्रमुख जिल्ला अधिकारी जितेन्द्र बस्नेत, गोरखा नगरपालिका मेयर राजनराज पन्त,स्थानिय विकास अधिकारी नारायण आर्चाय,महासघंकी केन्द्रिय सदस्य कमला श्रेष्ठ ४ नम्बर प्रदेश संयोजक सञ्जिब कोइराला, पूर्व अध्यक्ष एवं विद्यान संशोधन समितिका संयोजक ईश्वरकाजी मास्के,द्धितिय उपाध्यक्ष जिवनज्योति श्रेष्ठ,पत्रकार महासघंका जिल्ला अध्यक्ष किशोरजंग थापा,पृथ्वीनाराय साना सहरीका अध्यक्ष बिनोद अर्याल लगाएतले मन्तव्य व्यक्त गरेका थिए । जिल्ला विकास समितिको १५ लाख, घर भाडा बापतको ४२ लाख र सदस्यहरु सँग उठाईएका आन्तरिक श्रोत बाट भवन निमार्ण सम्पन्न भएको निर्माण समिति संयोजक भाईचन्द्र श्रेष्ठले जानकारी दिए । भूकम्प पछि सिआरएस नामक आइसनजिओलाई घर भाडामा दिएर आफू भाडाको घरमा बसेको गोरखा उद्योग वाणिज्य संघ नयाँ भवन बने सँगै आईतबार बाट आफ्नै भवन सञ्चालन आउने तयारी गरेको छ ।