कैैलासबावु श्रेष्ठ/गोरखा
पौष १५ गते । नेपाल सरकारका उप प्रधान तथा गृह मन्त्रि बिमलेन्द्र निधीले केही समय यता विपक्षी एमालेले गैर जिम्मेवारी पन देखाएको आरोप लगाउदै हास्याँस्पद काम गरी रहेको बताउनु भयो ।
सनिबार हुने नवौं गोरखा महोत्सवको समापन कार्यक्रममा सहभागी हुन गोरखा आई पुग्नु भएका मन्त्रि निधीले नेपाल प्रेस यूनियन गोरखा शाखाले आयोजना गरेको पत्रकार सम्मेलनमा बोल्दै ‘संसद नै चल्न नदिएर विपक्षीमा रहेको एमालेले त्यस्तो गैर जिम्मेवार काम गरेको’ भन्दै ‘यस्तो काम हास्याँस्पद रहेको’ बताउनु भयो ।
मन्त्रि निधीले पत्रकारहरुको जिज्ञासामा कोही कसैलाई पनि सदन रोक्ने    अधिकार नभएको भन्दै यो कानून विपरीत भएको बताउनु भयो । मन्त्रि निधीले ‘अहिले विपक्षीले गरेको काम संसदीय प्रकृया को खिलाफ रहेको, लोकतन्त्रीक पद्वती बिपरीत रहेको र संवैधानिक प्रकृयाको विपरीत भएको’ भन्दै संविधान संशोधनमा चित्त नबुझे विपक्षीमा मतदान गर्न एमालेलाई सुझाएको थियो ।

संसदमा दर्ता भएको संविधान संशोधनको प्रस्ताव राष्ट्रहित विपरीत नभएको भन्दै निधीले अहिलेको सरकारको पहिलो प्रार्थमिकता भनेकै संविधान संशोधन र निर्वाचन रहेको समेत प्रष्ट पानु भयो ।

भोली सनिबार अर्थात पौष १६ गते हुने ४० औं राष्ट्रिय मेलमिलाप दिवशका साथै जिल्लामा रहेको सरकारी कर्मचारीहरुलाई समेत निर्देशन दिने कार्यक्रम रहेको छ । निकै तामझामका साथ गोरखा आई पुगेका निधीलाई उनका समर्थकहरुले तनहुँको आँवुखैरेनी देखी नै मोटर साइकल र अन्य सवारी साधानहरुले स्कटीङ्ग गरेर गोरखा बजार ल्याई पुरयाएका थिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए