कैलासबावु श्रेष्ठ/गोरखा
मंसिर २६ गते । गोरखा सदरमुकाममा प्रधान कार्यालय रहेको मनास्लु विकास बैंक लि.ले आफ्ना शेयर सदस्यहरुलाई १८ प्रतिशत बोनस शेयर बितरण गर्ने भएको छ । नेपाल राष्ट बैंक संग स्विकृती लिएर बैंकले आ.व. २०७२÷०७३ को मुनाफावाट १८ प्रतिशत बोनश शेयर र ०.९५ प्रतिशत नगद लाभांश (कर प्रयोजनार्थ) वितरण गर्नको छ ।
गोरखा, तनहुँ र चितवन जिल्लामा विभिन्न स्थानमा शाखा खोलेर सञ्चालनमा रहेको उक्त बैंकले सदस्यहरुलाई यसै बर्षको पौष मसान्त सम्ममा शेयर प्रमाण पत्र वितरण गर्ने योजना बनाएको बैंकका निमिक्त महाप्रबन्धक दुर्गाराम पुरीले बताउनु भयो । महाप्रबन्धक पुरीका अनुसार बैंकले अघिल्लो बर्ष आफ्ना शेयर सदस्यहरुलाई १३.५ प्रतिशत बोनस शेयर प्रदान गरेको थियो ।
केही महिना भित्रै ओम डेभल्पेण्ट बैंक लि.सँग गाभीने तयारीमा रहेको उक्त बैंकले आ.व. २०७२÷०७३ को असार मसान्त सम्म अघिल्लो वर्षको तुलनामा ५८ प्रतिशत ले वृद्दि गरी रु २ अर्व १२ करोड निक्षेप संकलन गरी सकेको छ । बैंकको कर्जा भने ४५ प्रतिशतले वृद्दि भै रु १ अर्व ५९ करोड लगानी गरी रु ४ करोड ३४ लाख ६६ हजार १ सय २३ रुपैयाँ मुनाफा कमाउन सफल भएको छ । यो नाफा अघिल्लो आ.व. को तुलनामा ७७ प्रतिशतले वढि हो ।
बैंकले चालु आ.व. को असोज मसान्त सम्ममा रु २ अर्व १८ करोड निक्षेप संकलन गरी रु १ अर्व ७१ करोड कर्जा लगानी गदैं २ करोड ८ लाख संचालन मुनाफा आर्जन गरेको छ । बैंकको हाल सम्म खराव कर्जा शून्य प्रतिशत रहेको छ । हाल बैंकको केन्द्रिय कार्यालय सहित ९ वटा शाखा र १ एक्स्टेन्शन काउन्टर संचालनमा रहेको छ । बैंकले गोरखाको मनकामना वजारमा नयाँ शाखा खोल्ने तयारी गरी रहेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए