कैलासबावु श्रेष्ठ/गोरखा
मंसिर ८ गते । जिल्लामा नै सबै भन्दा बढी कर तिरेको भन्दै गोरखा जिल्लामा केन्द्रिय कार्यालय रहेको मनास्लु बिकास बैंकलाई कर कार्यालय पोखराले सम्मान गरेको छ । पोखरा कार्यालय परिषरमा भएको कार्यक्रममा बैंकका महा प्रबन्धक दुर्गाराम पुरीलाई प्रमाण पत्र सहित सम्मान गरेको हो । 
पाँचौ राष्ट्रिय कर दिवशमा आन्तरिक राजश्व कार्यालय पोखराको प्राङ्गणमा भएको कार्यक्रममा नेपाल उद्योग बाणिज्य महासंघका पूर्व अध्यक्ष आनन्दराज मुल्मीले पुरीलाई प्रमाण पत्र दिएर सम्मान गरेको थियो ।
आर्थिक बर्ष ०७१/०७२ सालमा मनास्लु बिकास बैंकले २ करोड बरावरको राजश्व तिरेको बैंकले जानकारी दिएको छ ।
बैंकले तनहुँ, गोरखा र चितवन गरी ९ वटा शाखाका सञ्चालनमा ल्याएको छ । बैंकको हाल सम्म ४१ हजार ग्राहक रहेको महा प्रबन्धक पुरीले जानकारी दिनु भयो । 
बैंकको आ.व.०७२/०७३ को असोज मसान्त सम्ममा २ अर्ब १८ करोड निक्षेप संकलन भएको बैंकले जानकारी गराएको छ भने १ अर्ब ७१ करोड लगानी भएकोमा चालु आर्थिक बर्षको पहिलो त्रैमास सम्ममा २ करोड ८ लाख २१ हजार ३ सय ६० रुपैयाँ सञ्चालन मुनाफा कमाउन सफल भएको छ । 
आन्तरिक राजश्व कार्यालय पोखराले कार्तिक १ गते देखी ७ गते सम्म पाँचौं राष्ट्रिय कर दिवश मनाएको थियो ।
