कैलासबावु श्रेष्ठ/गोरखा
मंसिर ७ गते । गोरखाको घ्यालचोक गाउँ बिकास समितिको एउटै गाउँबाट १ बर्षमा ३ करोड भन्दा बढीको तरकारी बिक्री भएको छ । मौषमी र वेमौषमी तरकारी खेतीको लागि अगाडी रहेको घ्यालचोकका किसानहरुले यती ठुलो रकम लिन सफल भएका हुन ।
सदरमुकाम देखी दक्षिण क्षेत्रमा रहेको उत्त गाबिसको वडा नम्बर २, ३, ५, ७, ८ र ९ नम्बरका सबै वडा एक आपसमा जोडीएका छन । जोडिएकै वडाका चैनपुर, तोरीस्वारा, तेस्रो कोटगाउँ, गाविस टोल, माझटार र नयाँ गाउँ खसटारका सर्व साधारण किसानहरुले आ.ब.०७२÷०७३ मा मात्रै ३ करोड ११ हजार ५ सय ५४ रुपैयाँको तरकारी बिक्री गरेका थिए ।
गोलभेडा, भन्टा, काउली, बन्दा, साग र सिमी जस्ता तरकारी लगाउने किसानहरुले १० लाख ४५ हजार १ सय ६० केजी तरकारी बिक्री गरेर आम्दानी लिन सफल भएका हुन । पानीको अभाव भएको उत्त क्षेत्रका किसानहरुले सामुहिक कृषी उत्पादन सहरकारी संस्था दर्ता गरी सहरकारी मार्फत तरकारी बिक्री गर्दै आएको छ । यहाँको तरकारी सत प्रतिशत नै राजधानीको कालीमाटी बजारमा जाने गर्दछ ।
संख्यात्मक हिसाबमा धेरै भएता पनि सहकारीमा आवद्व भएका ६ सय ५६ जना किसानहरुले उत्पादन गरेको तरकारीको रेकर्ड दिदै सहकारी अध्यक्ष भूमि प्रसाद रेग्मीले विगतको तुलनामा केही बर्ष यता तरकारीमा बिषादी राख्ने क्रम धेरै नै कम भएको बताउनु भयो । ‘तरकारी उत्पादनका लागि अत्यन्तै राम्रो जमिन भएको भएता पनि पानीको अभावका कारण तरकारी खेतीमा समस्या भएको’ भन्दै अध्यक्ष रेग्मीले ‘सिंचाईको ब्यवस्था हुन सके ५० करोड भन्दा बढीको तरकारी उप्पादन गर्ने जमिन भएको’ बताउनु भयो ।
यता बर्षेनी २५ रोपनी भन्दा बढी जमिनमा तरकारी खेती गर्दै आएका स्थानिय किसान खोम अधिकारीको पनि उस्तै धारणा छ । ‘बिगतमा जानी नजाति तरकारी बिषादी हाल्ने गरेको भएता पनि बिषादीको बिषयमा जानकारी पाए लगत्तै त्यसको प्रयोगमा कमी भएको र तरकारीलाई पानीको अभाव भएको’ गुनासो गनु भयो ।
किसानको सहजताका लागि सहरकारीले तरकारी संकलन केन्द्रको स्थापना गरी दिएको छ भने जोख्नका लागि काटाको समेत ब्यवस्था गरीदिएको छ । तरकारी संकलन र काटा गरे बापत सहकारीमा सदस्य भएकाहरुले प्रति भारी १ रुपैयाँ र सदस्य नहुनेहरुले १ रुपैयाँ ५० पैसा तिनुपर्ने हुन्छ । सहकारीले अहिले घ्यालचोक र चितवनको धवादी घाँटमा तरकारी संकलन गरी राजधानीको कालीमाटी पठाउने गरेको छ ।
सहकारीमा आवद्व मध्ये ४ सय ६७ जना पुरुष र १ सय ८९ जना महिला किसानहरु रहेको सहकारीले रेकर्डमा उल्लेख गरीएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए