कैलासबावु श्रेष्ठ/गोरखा
असोज १३ गते । गोरखा सेवा समाज अष्ट्रेलियाले मानव सेवा आश्रम सञ्चालनका लागि १२ लाख रुपैयाँ प्रदान गरेको छ । श्रीमद भागवत महापुरण लगाएर उठाएको उक्त रकम समाजले आश्रमका लागि प्रदान गरेको हो ।
समाजले अष्ट्रेलियामा गत जुलाई २३ र २४ तारिखका दिन आयोजना गरेको श्रीमद भागवत महापुराणबाट संकलीत उक्त रकम सडक मानबमुक्त गराउने उद्वेश्यका साथ गोरखा, धादिङ्ग र तनहुँ जिल्लामा काम गर्ने गरी प्रदान गरीएको समाजका शिब बञ्जाराले अष्ट्रेलियाबाट जानकारी दिए । 
सोही अभियान अन्रतर्गत हेटौडा, चितवन, काठमाण्डौ, बीरगंज लगाएतका बिभिन्न सहरहरूमा आश्रम सञ्चालन गदै आएको छ ।
सडकमा कस्टकर जीवन जिउन बाध्य भएका सर्व साधारणहरुको सेवा आश्रमले गर्दै आएको छ । ३० जना क्षमता भएको सेवा गृह स्थापनाका लागि २४ लाख रुपैयाँ लाग्ने भएता पनि पहिलो चरणमा समाजले १२ लाख रुपैयाँ उपलब्ध गराएको बञ्जाराले बताए ।
बञ्जाराका अनुसार बाँकी रकमका लागि सबै सहयोगीहरुलाई आग्रह गरीएको
छ । महापुराणबाट ३८ हजार ४ सय ६५ अष्ट्रेलियन डलर श्रदालु भक्तजनबाट प्राप्त भएको भएता पनि ब्यवस्थापकीय खर्च कटाएर बाँकी भएको १५ हजार २ सय १२ डलर मध्ये पनि १० प्रतिशतले हुन आउने १ हजार ५ सय २१ डलर अष्ट्रेलियमा अध्ययनरत नेपाली बिद्यार्थीहरुको हितका लागि छुट्टाएर बाँकी रकम आश्रम सञ्चालनका लागि हस्तान्तरण गरीएको हो ।
समाजले यस्तो कल्याणकारी कामका लागि सहयोग गर्ने सबैलाई धन्यबाद दिएको छ ।