प्रतिष्ठानको आकस्मिक कक्षमा उपचाररत घाइते। तस्बिरःभोजराज/सेतोपाटी
भोजराज श्रेष्ठ
धनकुटाको सिधुवामा बा.२ख. ७३६६ नम्बरको यात्रुबाहक बस बिहीबार अपराह्न दुर्घटना हुँदा पूर्वअर्थराज्य मन्त्री हरिराज खेवासहित १३ जनाको मृत्यु भएको छ। मृत्यु भएकामध्ये चार जनाको पहिचान खुलेको छैन।
दुर्घटनामा ३२ जना घाइते भएका छन्। धरानस्थित बिपी कोइराला स्वास्थ्य विज्ञान प्रतिष्ठानमा उपचारका लागि आइपुगेका ३८ जनामध्ये पाँच जनाको मृत्यु भइसकेको छ। घाइते तीन जनालाई उपचारका लागि विराटनगर पठाइएको छ। १५ जना गम्भीर रहेको उपचारमा संलग्न चिकित्सकले बताएका छन्।
मृत्यु हुनेमा परेवादिन–७ धनकुटाका तारा बस्नेत र उनकी छोरी खिममाया बस्नेत, धरान–२ का वेदप्रकाश अग्रवाल, परेवादिन–७ धनकुटाका अतिमाया तामाङ, मारेकटहरे–३ धनकुटाका बीरबहादुर काफ्ले, लेगुवा–६ धनकुटाका तेजबहादुर थापा, चालक काभ्रे घर भई हाल बुढी–मोरङ मुलघाट बस्दै आएका सनम तामाङ र फुलेक–९ धनकुटाकी होमा पौडेल छन्।
अन्य चार जनाको सनाखत हुन नसकेको प्रतिष्ठान प्रहरी पोष्टले जानकारी दिएको छ। विराटनगर रेफर हुनेमा बसका कन्डक्टर परेवादिन–४, धनकुटाका विनोद घिमिरे, धनकुटा–७ का भोलामान थापा र संखुवासभा–१ का पुष्पलाल कटवाल छन्।
अन्यको उपचार प्रतिष्ठानमै भइरहेको छ। प्रतिष्ठानमा उपचार हुनेमा मारेकटहरे–८ धनकुटाका विष्णु मगर, धरान–२ का मनोज पोद्दार, बसन्तपुर–४ तेह्रथुमका छिरिङ शेर्पा, धरान–१३ की निरमाया गुरुङ, परेवादिन–४ धनकुटाका विनोद घिमिरे, तामाफोक–६ संखुवासभाका भक्तबहादुर थापा, धरान–१६ का रमेश श्रेष्ठ, डाडाँगाउ धनकुटाका कला थापा, ओख्रे–९ तेह्रथुमका टंक भण्डारी रहेका छन्।
त्यस्तै, लालीगुरास नपा–४ बसन्तपुरकी अनिता पौडेल, बसन्तपुर–५ का दिनेश पौडेल, मारेकटहरे–४ का भेषराज अधिकारी, मुढे–८ संखुवासभाका सुजन रानामगर, साँघु–९ ताप्लेजुङका निमा छिरिङ शेर्पा, साँघुकै मनिषा अधिकारी, डाँडागाँउ धनकुटाका अनिश विक, तामाफोक–८ संखुवासभाका दीपक पौडेलको उपचार भइरहेको छ।
साथै, धरान–२२ की ललिता लिम्बू, संखुवासभा–१ पुष्पलाल कटुवाल, धनकुटा–७ का भोला थापा, फुलेक–४ तेह्रथुमका ठगेन्द्र पौडेल, माम्लिङ–७ संखुवासभाका राजन तामाङ, फुलेक–९ तेह्रथुमकी अनिता गुरुङ, डाडागाउँ धनकुटाका आयुष थापा, र तामाफोक–२ संखुवासभाका हर्कमाया तामाङ लगायत छन्।
ब्रेकको हावाको पाइप फुटेको कारण बस दुर्घटनामा परेको उपचाररत् घाइतेले बताएका छन्। गाडीमा करिव ४५ देखि ५० जना यात्रु थिए। घटनास्थलमा ७ जनाको मृत्यु भएको थियो। जसमध्ये दुई जनाको पहिचान हालसम्म खुल्न सकेको छैन।
setopati