कैलासबावु श्रेष्ठ/गोरखा
आषाढ २५ गते । त्रिभुवन विश्वविद्यालय चिकित्सा शास्त्र अध्ययन संस्थान आइओएमले डाक्टर गोविन्द केसीलाई संस्थानको परिसरभित्र आमरण अनसन लगायतका कुनै पनि विरोधका कार्यक्रम नगर्न आग्रह गरेको छ ।
संस्थानले विज्ञप्ति जारी गर्दै अनसन तथा विरोधका कार्यक्रमले शैक्षिक कार्यक्रम, परीक्षा तथा अस्पतालको उपचार सेवामा प्रत्यक्ष असर पर्ने भएकाले अनसन तथा विरोधका कार्यक्रम संस्थानको परिसरभित्र नगर्न आग्रह गरेको हो । संस्थानको निमित्त डिन प्रा.डाक्टर विमलकुमार सिन्हाद्वारा हस्ताक्षरित विज्ञप्तिमा चिकित्सा जस्तो अति संवेदनशिल सेवा प्रदान गर्ने स्थलमा आमरण अनसन र विरोधका कार्यक्रमहरू सञ्चालन गर्न निषेधित रहेको उल्लेख गरिएको छ ।
अनुरोधलाई अवज्ञा गरेर प्रचलित नियमको प्रतिकुल हुन गएमा त्यसवाट उत्पन्न परिस्थितीको जिम्मेबार डाक्टर केसी हुनुपर्ने चेतावनि विज्ञप्तीमा दिइएको छ ।
संस्थानले केसीको अनसन र आन्दोलनलाई प्रत्यक्ष वा अप्रत्यक्ष रुपमा सघाउने चिकित्सक, कर्मचारी ,विद्यार्थी, रेजिडेन्ट लगायतकालाई समेत कारवाही गर्ने चेतावनी दिएको छ । केसीले भोलीदेखि विश्वविद्यालय परिसरमा अनसन बस्ने तयारी गरेका छन् ।।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए