कैलासबावु श्रेष्ठ/गोरखा
जेष्ठ १ गते । क्यान गोरखाले सूचना प्रबिधी दिबशको अवशरमा गोरखा सदरमुकाममा नगरपालिका स्तरीय हाजिरी जवाफ प्रतियोगीता सम्पन्न गरेको छ ।
मे २ तारिखका दिनमा पर्ने सूचना प्रबिधी दिवशलाई मनाउने क्रममा जिल्ला सदरमुकामको नगरपालिका क्षेत्र भित्र रहेको १६ माध्यामिक बिद्यालयको सहभागीता रहेको थियो । 
तिन चरणमा भएको हाजिरी जवाफ प्रतियोगिता गरी फाइनल गरीएको उक्त कार्यक्रममा मोर्डन बोर्डिङ्ग स्कुल पहिलो भएको छ । 
त्यस्तै गरी प्रतियोगितामा महेन्द्र उमावि कुन्दुर टार दोस्रो भएको छ भने रत्नराज्य उमाबि बिरेनचोकले तेस्रो स्थान हात पारेको छ । 
कार्यक्रमलाई कम्प्यूटर एशोसिएशन नेपालका केन्द्रिय सदस्य अशोक राना, जिल्ला शिक्षा कार्यालय गोरखाका बिद्यालय निरिक्षक कृण्ण आचार्य तथा नेपाल पत्रकार महासंघ गोरखाका अध्यक्ष भिमलाल श्रेष्ठले कार्यक्रममा आ–आफ्नो धारणा राखेका थिए । 
