तुलु थिङका छोरा नेमा थिङ। तस्विरः नारायण महर्जन/सेतोपाटी

टेबल आकारको काठमाथि सानो भाँडोमा चामलजस्तो केही देखिन्छ। छेवैमा नांगो खुकुरी तेर्सिरहेको छ। वरिपरि मान्छेको गोलो घेराबीच खैरो मैलो कोट र पाइन्ट लगाएका एक वृद्ध टुक्रुक्क बसेका छन्। एक अधबैंसे युवक हातमा खुर्पा झुलाउँदै वृद्धनजिकै उभिएका छन्। मान्छेको भीडबाट अट्टहासको आवाज झन्झन् चर्को सुनिँदैछ। हेर्दाहेर्दै ती युवक खुर्पाको धारले वृद्धको शिरमा झुलिरहेको टुप्पी चटक्कै काटिदिन्छन्। छालासम्म काटिँदा निस्केको रगतले गर्धनदेखि सर्टसम्मै लुछुप्पै भिज्छ।

अनुसन्धानमा खटिएका प्रहरी सइ चोपबहादुर केसी। तस्बिरः नारायण महर्जन/सेतोपाटी

तुलु सार्की थिङ यार्साका नामी ‘गुरूबा’ थिए। तामाङ संस्कृतिमा गुरूबाको काम हुन्छ, घेवा (मृत्यु संस्कार) मा नाच्ने र नचाउने। आफ्नो रितिथिति जोगाउन समाजमा गुरूबाको भूमिका महत्वपूर्ण मानिन्छ।