गोरखा । उत्तरी गोरखामा गर्भवती भएकी १ जना महिलाको हेली मार्फत उद्वार हुदै छ । जिल्लाको चुमनुब्री गाउँपालिका–६ को चुम्चेतबाट ति महिलाको नेपाली सेनाको हेली मार्फत उद्वार गर्न लागिएको जिल्ला प्रशासन कार्यालय गोरखाका सहायक प्रमुख जिल्ला अधिकारी नेत्र प्रसाद शर्माले जानकारी दिए ।
उनका अनुसार चुम्चेत निवासी २३ बर्षिया एलिसा लामा गर्भवती भएको र बुधबारदेखी उच्च ज्वरो आउने, टाउको दुख्ने तथा घाँटी र अनुहार सुनिएपछी हेली मार्फत उद्वार गर्न लागिएको हो ।
‘हिजो अवेर राती मात्र गाउँपालिबाट पत्र आयो’ उनले भने ‘राती नै सबै प्रकृया पुरा गरे पत्र पठाएको भएता पनि अहिले केही बेर पछी मात्र उनको हेली मार्फत उद्वार हुन लागेको’ सहायक प्रजिअ शर्माले बताए ।
लामाको उद्वारको लागि शुक्रबार राती ८ बजे पत्र प्राप्त भएको र राती नै नेपाली सेना स्रग समन्वय गरेर अहिले उद्वारको लागि राजधानीबाट हेली आउने तयारी भएको सप्रजिअ शर्माले जानकारी दिए ।
गर्भवती महिलालाई केही दिनदेखी १०४ डिग्रीसम्मको जरो आउने गरेको चुमनुब्री गाउँपालिका अहेब खुम बहादुर मल्लले जानकारी दिए ।
लामालाई राष्ट्रपति महिला उत्थान कार्यक्रम संचालन कार्यविधि, २०७७ बमोजिम जटिल सुत्केरी हवाई उद्वार तथा उपचारको ब्यवस्था मिलाइएको जिल्ला प्रशासन कार्यालय गोरखाले जनाएको छ ।
उत्तरी क्षेत्रमा यातायात सेवा नहुदा सबै प्रकारका बिरामीहरुले हेली प्रयाेग गर्नु पर्ने बाध्यता रही आएकाे छ ।