कैलासबावु श्रेष्ठ/गोरखा
चैत्र २९ गते । गोरखा सदरमुकामको लक्ष्मी बजार भित्र रहेको गोरखनाथ मन्दिर परिषरमा गोरक्षनाथ आश्रम निर्माणका लागि १ साता लामो भागवत कथा ज्ञान महायज्ञ सञ्चालनमा आएको छ ।
गोरखा नगरपालिका ८ लक्ष्मी बजारको आहाले डाडाँमा सञ्चालनमा आएको भागवत कथा ज्ञान कार्यक्रम आज अन्तिम दिन सञ्चालन हुने आश्रमका होम सिं बस्नेतले जानकारी दिए । बस्नेतका अनुसार चैत्र २३ गते देखी सञ्चालनमा आएको भावगत कथा ज्ञान महायज्ञमा गोरखा जिल्ला बाहेक पनि विभिन्न जिल्लाका श्रद्वालुहरुको सहभागीता रहेको थियो ।
१ साता सम्म चल्ने कथा ज्ञान महायज्ञमा ब्यास भागवत भूषण श्री श्री स्वामी बासु देवानन्द महाराज जीले कथा बाचन गनु भएको थियो भने प.सु.प.आचार्य उद्वब रेग्मीले सहयोगीको भूमिका निर्वाह गरेका थिए ।
दैनिक बिहान १० बजे देखी ५ बजे सम्म चल्ने महायज्ञमा सहभागी भै सर्व साधारणहरुले आर्थिक तथा भौतिक सहयोग गर्दै आएको वस्नेतले जानकारी दिए । महायज्ञमा सहभागी भै पूर्व मन्त्रि तथा नेपाली काँग्रेसका केन्द्रिय सदस्य चिरञ्जीवि वाग्लेले ३ लाख रुपैयाँ सहयोग उपलब्ध गराएको छ भने स्थानिय रोलक बहादुर थापाले १ लाख २२ हजार, कुल बहादुर कुवरले १ लाख ११ हजारका साथै कार्यक्रम संयोजक समेत रहेका बस्नेतले १ लाख १ हजार सहयोग रकम उपलब्ध गराएको आयोजक संस्थाले जानकारी दिएको छ ।
यता पूर्व मन्त्रि समेत रहेका दिपक बोहराले मासिक आश्रमलाई मासिक ५१ हजार रुपैयाँ उपलब्ध गराउने प्रतिबद्वता समेत आश्रमलाई प्राप्त भएको छ ।
कथा ज्ञान महायज्ञको ५औं दिन सम्ममा १० लाख भन्दा बढी रकम संकलन भएको र महायज्ञको अन्तिम दिन सम्ममा २० लाख भन्दा बढी रकम संकलन हुन सक्ने अनुमान आयोजक संस्थाले लिएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए