फोटो :फाइल फोटो
शिबप्रसाद उप्रेती
गोरखाः खच्चड लिएर बालुवा भर्न गएका तीन युवालाई गोरखास्थित बुढीगण्डकी नदीले बगाएको छ ।
बालुवा भर्न गएको अवस्थामा गोरखाको थुमी गाविस–४ आर्खेस्थित बुढीगण्डकीमा पौडी खेल्न पसेका एक युवालाई बगाएपछि उनलाई निकाल्न गएका अन्य दुई युवा पनि बगेका हुन् ।
बुढीगण्डकीले बगाएर थुमी गाविसमा–९ धारापानी निवासी १९ वर्षीय बेदबहादुर थापा, १८ वर्षीय पूर्णबहादुर आले र वर्ष १८ कै टीकाबहादुर आले रहेका छन् ।
पौडी खेल्न गएका बेदबहादुर डुबेपछि निकाल्न गएका अन्य पूर्ण र टीका बुढीगण्डीका वेपत्ता भएका छन् ।
पौडी खेल्न जान्ने बेदबहादुर भने अर्धचेत अवस्थामा किनारमा निस्किएका थिए । उनलाई उपचारका लागि स्वास्थ्य संस्था लैजाने क्रममा बाटैमा मृत्यु भएको इलाका प्रहरी कार्यालय आरुघाटका प्रहरी निरीक्षक रबिराज थपलियाले जानकारी दिए ।
मंगलबार बिहान साढे १० बजे बगेका दुई युवाको खोजीकार्य तीब्र पारिएको प्रहरी निरीक्षक थपलियाले जानकारी दिए ।
annapurnapost
