कैलासबावु श्रेष्ठ/गोरखा
चैत्र २४ गते । गएको बैशाख १२ मा गएको बिनाशकारी भूकम्पले भत्किएको घर बनाउनका लागि वालुवा निकाल्न गएका गोरखा थूमीका १ जनाको बूढी गण्डकीमा डुबेर मृत्यु भएको छ । अन्य २ जना नदिमा वेपत्ता भएका छन् ।
थूमी गाविसस्थित आर्खेत वजार नजिकै वालुवा निकाल्ने क्रममा बिहान १०ः३० वजेतिर उनीहरुलाई नदिले बगाएको जिल्ला प्रहरी कार्यालय गोरखाले जानकारी दिएको हो । नदिले बगाएका मध्ये थूमी ९ धारापानीका बेदबहादुर थापामगरको शव फेला परेको छ भने अन्य २ जना अहिले सम्म पनि वेपत्ता छ ।
पहिले नदिमा बगेका बेदबहादुरलाई बचाउने क्रममा सोही ठाउँका साइँला भन्ने पूर्णबहादुर आले र टिकाबहादुर आले गण्डकी बगेर वेपत्ता भएको इलाका प्रहरी कार्यालय आरुघाटका प्रहरी निरिक्षक रविराज थपलियाले बताउनुभयो । उनीहरु सबैको उमेर १८÷१९ हाराहारीको हुन सक्ने प्रहरीको अनुमान रहेको छ ।
मृक्तक र बेपत्ता ३ जनाले केही दिनयता देखी नदिबाट वालुवा संकलन गरि खच्चडबाट गाउँसम्म ढुवानी गर्दै आएका थिए । स्थानीय वासिन्दाका अनुसार भूकम्पले घर भत्किएपछि पक्की घर बनाउन वेदबहादुर साथीहरु सहित नदिमा पुगेका थिए । वेपत्ता २ जनाको खोजी भैरहेको प्रहरी निरिक्षक थपलियाले बताउनुभयो ।
थूमी, आरुचनौटे, तान्द्राङ, बोर्लाङ, घ्याल्चोक लगायत बूढीगण्डकी किनारका वासिन्दा र प्रहरीको सक्रियतामा खोजी गरेपनि उनीहरुको अवस्था थाहा हुन सकेको छैन ।
केही दिन यता देखी बुढी गण्डकी नदिमा पानी धमिलो भएका कारण पनि खोजी कार्यमा समस्या परेको छ ।
यस्तै माछा मार्ने क्रममा मर्स्याङ्दी नदीमा डुबेर एक जना बेपत्ता भएका छन् । लमजुङको बाँझाखेत–८ दमाईगाउँका इन्द्रबहादुर परियारका छोरा १८ वर्षका अर्जुनबहादुर परियार नदीमा बेपत्ता भएको प्रहरीले जानकारी दिएको छ ।
काका हरिबहादुर परियारसँगै माछा मार्न गएका परियार ईशानेश्वर महादेव मन्दिर नजिकैबाट एक्कासी नदीमा डुबेर बेपत्ता भएको काका हरिबहादुरले प्रहरीलाई जानकारी गराएको थियो । बेपत्ता भएको खबर पाए लगत्तै दिनभर खोज्दा परियारलाई भेटाउन नसकिएको जिल्ला प्रहरी कार्यालयका प्रहरी निरीक्षक कमल बहादुर रजौरेले बताउनुभयो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए