पूर्व माओवादी लडाकुबाट अगुवा कृषक बनेकी न्वादेउकी रेखा बोहरा ।
माइती घर डडेल्धुरा जिल्लामा रहेकी बोहरालेसँगै लडाकुको रुपमा रहेका पूर्व लडाकु नरेन्द्र बोहरासित १० वर्ष अघि जनवादी विवाह गरेकी थिइन्। श्रीमान् लडाइको क्रममा घाइते भई एउटा खुट्टाको अपाङ्ग छन्। श्रीमान र आफूले शान्ति सम्झौतापछि पारिश्रमिक वापत पाँच–पाँच लाख रुपैयाँ बुझेर घर फर्के। घर निर्माणलगायत पारिवारिक जोहोमै पैसा सकिएको पत्तै भएन। युद्ध मोर्चाबाट घर फर्केपछि उनको कमाई खाने जग्गा जमिन, अन्य स्रोत र व्यवसाय नभएपछि दिन बिताउन समस्या पर्यो। युएसआइडीको आर्थिक सहयोगमा संचालित सुआहारा कार्यक्रमले गर्भवती महिला र २ वर्षमुनीका बालकालिका लागि सुनौला हजारदिन कार्यक्रम संचालन गरेपछि बोहराको दैनिकी फेरिएको हो।आमा समुहको सक्रियतामा घरायसी खाद्यान्न उत्पादन समूहमा सहभागी रेखा अहिले समूहबाट नमुना ग्रामीण कृषका रुपमा छनोट भएकी छिन्। समूहमा घरायसी खाद्यन्न उत्पादनको विषयमा निरन्तर छलफल, अन्तरक्रिया, तालिम, पुनर्ताजगी तालिम र दुई दिने समुहको तालिममा सक्रिय सहभागी भएकी रेखा भन्छिन। ‘समुदायका हजार दिने आमाहरुलाई पनि नमुना करेसावारी र कुखुरापालन सम्वन्धि उत्प्रेरित गर्ने गरेकी छु।’
रेखालाई उनका पतिलेले पनि करेसावारीमा सहयोग गर्ने गरेका छन्। ‘गाँउमा काम नपाउँदा बरालिएर हिड्ँने फजुल खर्च मात्रै गर्ने उनका पतिको बानीसमेत सुधार भएको छ। उनी व्यवसायिक कृषि पेशामा लाग्न कृषि सेवाकेन्द्र हाट आएर सेवा तथा परामर्श लिने गरेको सेवा केन्द्र प्रमुख देवबहादुर बमले बताए । बेमौसमी तरकारी उत्पादनका लगि टनेल हाउस निर्माण गर्र्ने र व्यवसायिक रुपमा कुखुरापालन गर्ने योजना रहेको रेखाले बताइन्।
nagariknews
