कैलासबावु श्रेष्ठ/गोरखा
फागुन २६ गते । प्रधानमन्त्री केपी शर्मा ओलीले आगामी दुई वर्षसम्म सरकार परिवर्तन नहुने बताएका छन् । उनले काङ्ग्रेस र मधेशवादी दलसमेतको सहभागितामा राष्ट्रिय सहमतिको सरकार बन्न सक्ने भन्दै यस्तो कुरा बताएका हुन ।
जिल्ला विकास समिति झापाले आज आयोजना गरेको वार्षिक बजेट, नीति तथा कार्यक्रम सार्वजनिकरण समारोहमा बोल्दै प्रधानमन्त्री ओलीले दलहरुबीच भएको १६ बुदे सहमतिका आधारमा राष्ट्रिय सहमतिको सरकार गठन हुने बताएका हुन् ।
गृह जिल्ला झापाका विभिन्न कार्यक्रममा सरिक हुन आएका प्रधानमन्त्रीले अवको लक्ष्य आर्थिक विकास र समृद्धि हुने समेत बताए ।
एक वर्षमा अहिलेको भन्दा तीन गुणा बढी विद्युत् उत्पादन गर्ने लक्ष्यका साथ सरकारले काम गरिरहेको भन्दै प्रधानमन्त्री ओलीले कृषिको आधुनिकीकरण र व्यवसायिक पशुपालनमा जोड दिए । संविधान जारी भएपछि उत्पन्न राजनीतिक सङ्कट व्यवस्थापन भइसकेको भन्दै प्रधानमन्त्री ओलीले सरकारले विकास योजनालाई प्राथमिकतामा राखेको बताए ।
उनले पूर्व पश्चिम राजमार्गलाई छ लेनको बनाउने विषयमा अमेरिकी सरकारसग छलफल भइरहेको जानकारी दिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए