भवन भट्ट, अध्यक्ष,नेपाल पुर्वाधार विकास कम्पनी
काठमाडौं हेटौंडा सुरुङमार्ग निमार्ण गर्ने निर्णय हुदाँ मुलकमा संविधान बनेको थिएन।
स्वदेशी लगानीकर्ताहरु नै लगानी गर्न डराइरहेको अवस्था थियो। यत्रो ऐतिहासिक काम स्वदेशी लगानीबाट बन्ने संभावना पनि थिएन। विदेशी लगान लगानी कम्पनीहरु पनि राजनीतिक अस्थिरताका कारण डराइरहेका थिए। उनीहरुमा विश्वास थिएनन।
के होला कसो होला भन्ने थियो । अहिले भने माहौल बनेको छ। सरकार र मुख्य दलहरुले पनि काठमाडौं हेटौंडा सुरुङमार्ग निमार्ण गर्नुपर्छ भन्नेमा चासो र चिन्ता व्यक्त गर्दै आएका छन्। उनीहरुले गर्नुपर्ने सपोट पनि पछिल्लो समय गरिरहेका छन्।
काठमाडौं हेटौंडा सुरुङमार्ग निमार्ण गर्न विदेशी समुदायलाई पनि जोड्न सक्ने मान्छेको खाँचो थियो। मलाई कम्पनीको अध्यक्ष बनाएपछि म मा जोश जाँगर बढेर आएको छ। मलाई जिम्मेवारी दिएसँगै काठमाडौं हेटौंडा सुरुङमार्ग निमार्ण कार्य गहन मोडमा आएको छ।
म अब विदेशी लगानी जुटाउन र काठमाडौं हेटौंडा सुरुङमार्ग निमार्ण गर्न चाँडोभन्दा चाँडो काम थाल्नेछु। लगानी कहाँबाट कसरी ल्याउने र माहौल बनाउने हामीले हो। अहिले नेपालजस्तो विकाशोन्मुख देशमा लगानी गर्न विदेशी कम्पनीहरुले पनि चासो देखाएका छन्।
संविधान बनेसँगै उनीरुले पनि विश्वास गरेका छन्। टिम सक्षम भयो भने हामी काम गरेर देखाउन सक्छौं। सुरुङमार्ग निर्माण गर्न यसअघि धेरै लगानीकर्ताले लगानी गरेका छन्। त्यो लगानी गरेको रकम खेर जाला भनेर नसोच्न म लगानीकर्ताहरुसँग आग्रह गर्दछु।
धेरै लगानी गर्नेमा म पनि छु। जसले बढी लगानी गरेको छ उसैलाई नेतृत्व दिएपछि धेरैले लगानी जोखिम नहुने भन्दै ढुक्क समेत हुन थालेको मैले जानकारी पाएको छु। यसमा लगानी भन्दा पनि राष्ट्रिय गौरव आयोजनाको काम हो यो। मातृभूमीका लागि भएपनि हामीले काठमाडौं हेटौंडा सुरुङमार्ग बनाउनुपर्छ।
मलाई विश्वास छ। सुरुङमार्ग बन्छ। काठमाडौं हेटौंडा सुरुङमार्ग निमार्ण गर्ने विषयमा मैले हिजैदेखि सरोकारवाला निकायसँग छलफल गरिसकेको छु। शुक्रबार हाम्रो बैठक हुन्छ। बैठकमा सुरुङमार्ग कहिलेसम्म बनाउने, कति रकम लाग्ने, बोर्ड कस्तो बन्ने, बनाउने भन्ने विषयमा छलफल हुन्छ।
उनी एनआरएनका उपाध्यक्ष समेत हुन्।
प्रकाश ढुंगानासँगकाे कुराकानीमा अाधारित
setopati