कैलासबावु श्रेष्ठ/गोरखा
माघ २६ गते । राष्ट्रपति विद्यादेवी भण्डारीले पूर्वप्रधानमन्त्री सुशील कोइरालाको पार्थिव शरीरमा पुष्पगुच्छा अर्पण गर्दै श्रद्धाञ्जली अपर्ण गरेकी छन् ।
श्रद्धाञ्जली व्यक्त गर्न राष्ट्रपति भण्डारी दिउँसो ३ः३० बजे कोइरालाको पार्थिक शरीर राखिएको स्थान दशरथ रंगाशाला पुगेकी थिइन् ।
प्रधानमन्त्री केपी ओलीले पनि दशरथ रंगाशाला पुगी कोइरालाप्रति श्रद्धाञ्जली व्यक्त गरेका छन् । प्रधानन्यायधीश कल्याण श्रेष्ठ, मन्त्रीहरु, उच्च सरकारी अधिकारी, नेपालस्थित कुटनीतिक नियोगका प्रमुख र प्रतिनिधिले पनि कोइरालाप्रति श्रद्धाञ्जली व्यक्त गरेका थिए ।
यसअघि उपराष्ट्रपति नन्दबहादुर पुन, नन्दबहादुर पुन, प्रधानमन्त्री केपी ओली, परराष्ट्रमन्त्री कमल थापा, एमाले बरिष्ठ नेता झलनाथ खनाललगायतले विहान महाराजगन्ज पुगी कोइरालाप्रति श्रद्धाञ्जली व्यक्त गरेका थिए ।
कोइरालाको पार्थिव शरीर विहान १० बजेदेखि दुईबजेसम्म पार्टी मुख्यालय सानेपामा राखिँदा त्यहाँ पनि श्रद्धाञ्जली व्यक्त गर्न राजनीतिक नेतृत्व र कांग्रेस नेता, कार्यकर्ता एवं सर्वसाधारणको भिड लागेको थियो ।
सानेपामा पूर्व राष्ट्रपति रामवरण यादव, पूर्व प्रधानमन्त्रीद्वय लोकेन्द्रबहादुर चन्द, बाबुराम भट्टराई, पूर्वसभामुख सुवास नेम्वाङ, तमलोपाका अध्यक्ष महन्थ ठाकुर लगायतका नेताले श्रद्धाञ्जली व्यक्त गरेका थिए ।
सानेपापछि कोइरालाको पार्थिक शरीर दशरथ रंगशाला ल्याइएको थियो । त्यहाँ पनि उनीप्रति श्रद्धाञ्जली व्यक्त गर्नेको घुँइचो लागेको छ । रंगशालामा अहिले पनि कांग्रेसका नेता÷कार्यकर्ताको बाक्लो उपस्थिति छ । कोइरालाको पार्थिब शरीरलाई भोलि दिउँसोसम्म रंगाशालामै राखिने छ । यसैबीच, बैंककमा रहेका पूर्वराजा ज्ञानेन्द्र शाहले पनि कांग्रेस केन्द्रीय कार्यालय सानेपामा टेलिफोन गरी कोइरालाप्रति श्रद्धाञ्जली व्यक्त गरेका छन् ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए