कैलासबावु श्रेष्ठ/गोरखा
माघ २६ गते । न्यूरो अस्पतालमा उपचाररत नेपाली कांग्रेसका बरिष्ठ नेता नरहरि आचार्यको स्वास्थ्य ‘स्थिर तर जटिल’ रहेको अस्पतालले जानकारी दिएको छ ।
उनको स्वास्थ्यबारे जानकारी दिन आयोजित पत्रकार सम्मेलनमा वरिष्ठ न्यूरोसर्जन डा. उपेन्द्र देवकोटाले ४ देखि ७ दिनभित्र आचार्यको स्वास्थ्यबारे ठोस निक्र्योल गर्न सकिने बताए ।
हाइपरटेन्सनका कारण मस्तिष्कको बायाँ भागमा रगत जमेकाले उनको दायाँ भाग पक्षघात भएको सिटीस्क्यानबाट देखिएको डा. देवकोटाले पत्रकार सम्मेलनमा जानकारी दिए ।
जमेको रगत हटाउन तत्कालै शल्यक्रिया आवश्यक देखिएको र औषधिबाटै निदानको प्रयास गरिने पनि डा.देवकोटाले जानकारी दिए । अस्पतालका अनुसार आचार्यलाई बिहान सवा सात बजे त्यहाँ पु‍¥याइएको थियो ।
गंगालालबाट न्यूरो अस्पताल पुग्दा उनको शरीरको दायाँ भाग कमजोर रहेको तर, संवाद गर्न सक्ने अवस्थामा रहेको अस्पतालद्वारा जारी विज्ञप्तिमा उल्लेख छ । नेपाली कांग्रेसका सभापति सुशील कोइरालाको निधन भएपछि महाराजगञ्जस्थित उनको निवासमा पुगेका आचार्य बाहिरिने क्रममा बेहोस जस्तै भएपछि अस्पताल लगिएको थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए