माघ २३, २०७२- नुवाकोटको मदानपुरमा माईक्रोबस दुर्घटना हुँदा ८ जनाको मृत्यु भएको छ भने ६ जना घाईते भएका छन् ।
काठमाडौंबाट त्रिशूलीतर्फ आईरहेको बा. १ ज ७५८३ नम्बरको माइक्रोबस पासाङ ल्हामुमार्गको मदानपुर–८ स्थित केउरीनीमा दुर्घटना हुँदा घटनास्थलमै ८ जनाको मृत्यु भएको हो । दुर्घटनामा अरु ६ जना गम्भीर घाईते भएको प्रहरी नायब उपरिक्षक शिद्धिबिक्रम शाहले बताए ।
मदानपुरको केरुरीनीमा भएको दुर्घटनाग्रस्त माईक्रोवसबाट घाईतेहरुको उद्धारको क्रममा प्रहरी । प्रकाश अधिकारी/कान्तिपुर
हिजो विदामा गएका विदुरस्थित सैन्य तालिम केन्द्रमा तालिमरत सिनं ६४ र ६५ मा कार्यरत सिपाईहरु लिएर आएको माइक्रोबस सडकबाट करिब पाँच सय फिट तल खसी दुर्घटना भएको प्रहरी नायब उपरिक्षक शाहले बताए । मृतकको सनाखत हुन सकेको छैन । दुर्घटनामा घाईते भएकाहरुको उपचारको लागि राजधानी ल्याइएको छ ।
ekantipur
