कैलासबावु श्रेष्ठ/गोरखा
माघ २३ गते । एउटी महिलाको लागी आफ्नो अस्मीता भन्दा ठूलो केही हुदैन र ईज्जत जोगाउन उनले जीवन भरी कुनै भुल नहोस भन्ने चाहन्छीन तर रौतहटमा छिमेकीलाई झुठो मुद्दामा फसाएर सजाए गराउन एक महिलाले आफू बलत्कृत भएको नाटक गरिन ।
माघ १८ गते राति १ बजे रौतहटको विश्रामपुरमा ४५ वर्षिया एक दलित महिला बलात्कृत भएको खबर प्रहरी समक्ष आयो । पीडितका श्रीमानले नै आफ्नो श्रीमतीलाई पाँच जनाको समूहमा आएका नकावधारीले घर बाहिर लगेर बलात्कार गरेको घटना प्रहरीलाई सुनाए । छिमेकीहरुले बलात्कार गरेको आरोप पिडित महिलाको श्रीमानले लगाए पछि प्रहरीले अनुसन्धान शुरु ग¥यो र बलात्कारमा सँलग्न भनिएका पाँच जनालाई पक्राउ पनि ग¥यो ।
पिडीत महिलाको शारीरिक परिक्षण बाट समेत यौन हिंसा भएको मेडिकल रिपोर्ट आए पछि बलात्कारको घटना भन्दै अनुसन्धान शुरु गरेको प्रहरी त्यती बेला झस्कीयो जब श्रीमान श्रीमती दुवैले सुनियोजित तरिकाले नाटक गरेको तथ्य फेला पा¥यो ।
घर छेउको छिमेकी सँग पटक पटक झै–झगडा हुने गरेको र केही महिना अघि भएको चोरी काण्डमा पनि छिमेकीले आफूहरुलाई दोषी देखाएको भन्दै बदला लिने उदेश्यले उनीहरुले बलात्कारको नाटक रचेको प्रहरी अनुसन्धानमा खुल्यो ।
“एक महिना अघि छिमेकीको घरमा चोरी भए पछि आफूहरुलाई सो चोरीको मतियार भनेको रिसमा नक्कली बलात्कारको घटना श्रृजना गरि छिमेकी लाई सजाय दिलाउन खोजिएको थियो ।” जिल्ला प्रहरी कार्यालय रौतहटका प्रमुख उपरिक्षक डा. गणेश रेग्मीले भने “घटना शुरु देखी नै शंकास्पद थियो । बलात्कृत भएको महिलाको उमेर र घटनाको प्रकृतिले पनि अर्कै कुराको संकेत गरि रहेको थियो ।” लगातारको अनुसन्धान र झण्डै ५० जना मानिसको बयान का आधारमा छिमेकी सँग बदला लिन नै दम्पती ले झुठो जबरजस्ती करणीको घटना बनाएको उपरिक्षक रेग्मीले बताए ।
महिला तथा बालबालिका सेवा केन्द्र गरुडा रौतहटमा घटना सार्वजनिक गर्दै प्रहरी उपरिक्षक रेग्मीले मौखिक जाहेरी कै आधारमा पनि आफूहरुले अनुसन्धान र कारवाही अगाडि बढाउदा नक्कली बलात्कारको अचम्म लाग्ने तथ्य बाहिर आएको बताए । पिडीत भनिएकी महिलाको श्रीमानले समेत आफूले छिमेकीलाई सबक सिकाउन र बदला लिन आफैले श्रीमति सँग शारीरिक सम्पर्क गरेर बलात्कारको नाटक गरेको सँचारकर्मीहरुलाई बताए ।
छिमेकी सँगको झगडा बाट मुक्ति पाउन आफूहरुले उनीहरुलाई फसाउन खोजेको समेत उनले बताए । झुठो मुद्दा दिएको दम्पतीलाई कानूनी सजाय हुने प्रहरी उपरिक्षक डा. गणेश रेग्मीले बताए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए