माघ २०, २०७२- सत्तारुढ राप्रपाका बरिष्ठ नेता पशुपति शमसेर राणाले वर्तमान सरकार मुख्य विषयहरुमा असफल भएको भन्दै समर्थन पुनर्विचार गर्ने बताएका छन् ।

‘जुन उत्साहले सरकारलाई समर्थन गरेका थियौं,’ काठमाडौंमा बुधबार भएको साक्षात्कारमा राणाले भने, ‘त्यो अब बाँकी रहेन ।’ उनले सरकार मधेस आन्दोलनलाई सम्बोधन गर्ने र भूकम्प पछिको पुनर्निर्माण कार्यलाई तीब्ररुपमा अगाडि बढाउने विषयमा असफल भएको राणाले बताए ।

पुनर्निर्माणमा एमाले समर्थित गैरसरकारी संस्थाहरुलाई आउटसोर्स गरेर फाइदा लिने काम भएको राणाको आरोप छ ।

राणाले प्रधानमन्त्री केपी शर्मा ओलीले मुलुकको समस्या समाधान र नाका खुलाएर भारत भ्रमण जानु उचित हुने समेत स्पष्ट पार्दै मधेसी नेताहरु बिहार र उत्तरप्रदेशका नेताहरुसँग जानु ठिक नभएको बताए ।