काठमाडौ: पूर्व प्रधानमनत्री एवं एमालेका वरिष्ठ नेता झलनाथ खनालले मधेसी मोर्चाका नेताहरु भारतमा गएर लालुको अगाडि लम्पसार पर्नु लज्जास्पद भएको बताएका छन।
मदन भण्डारी अध्यायन केन्द्रले मंगलबार राजधानीमा आयोजना गरेको ‘संविधान कार्यन्वयन, राष्ट्र र पार्टीको निर्माण’ बिषयक कार्यक्रममा बोल्दै खनालले यस्तो बताएका हुन। ‘मुक्तिका लागि भन्दै भारतमा गएर लालुका सामु लम्पसार पर्नु गलत र लज्जाको बिषय हो’ उनले भने।
उनले भारतले लगाएको नाकावन्दी अन्तराष्ट्रिय कानुन विपरीत मानवीयता विरोधी, दुई देशबीच भएको सहमति विपरीत भएको बताए। उनले भारतले आफुले नपालमा नकाबन्दी लगाएको भन्ने आँट नगरेको खानलले बताए। उनले भारतले जस्तोसुकै बाधा लागु गरेपनि नेपाली जनता सामना गर्न तयार रहेको बताए।
उनले भने, ‘यो स्वतन्त्रता स्वधिनताको लडाई हो,ढुंगो फुटला, आकाश झुक्ला नेपाल र नेपाली मन झुक्ने छैन।’ उनले एमालेभित्र विकृति र विसंगति बढेको भन्दै गुटबवन्दीले त्यसलाई मलजल गरेको आरोप लगाए।
उनले संविधानसभाको दोस्रो निर्वाचनमा उपत्यकामा अपासी खुट्टा ताना-तान र गुटबन्दीले चुनाव हारेको दाबी गरे। यस्तै कार्यक्रममा अर्का पूर्वप्रधानमन्त्री एवं वरिष्ठ नेता माधवकुमार नेपालले नेपालमा जात जातिका कुरा गर्ने र त्यस जातको टाठा बाठाले नै उनीहरुलाई शोषण गर्ने गरेको बताए।
उनले नेपालको संविधान दुनियसँग तुलाना गरेर हेर्दा केही कुरामा पनि कमी नभएको बताए। नेपालले मधेशी मोर्चाले अगाडि सारेको माग समेत औचित्यपूर्ण नरहेको बताए। नेपालले पनि एमालेभित्र भ्रष्टीकरण बढेकोले त्यसलाई गुटबन्दीले प्रोत्साहन दिएको बताए।
annapurnapost
