काठमाडौंः मधेसी मोर्चाका नेताले जारी नाकाबन्दी आगामी माघ १८ गतेपछि खुल्ने बताएका छन् ।
रिपोर्टस क्लब नेपालले राजधानीमा आयोजना गरेको साक्षात्कार कार्यक्रममा सद्भावना पार्टीका अध्यक्ष महेन्द्र राय यादवले माघ १८ गते पछिको आन्दोलनको कार्यक्रमलाई पुर्नविचार गर्ने भन्दै नाकाबन्दी खुल्ने सम्भावना रहेको बताएका छन् ।
मधेसी मोर्चाले आगामी माघ १८ गतेसम्म सामान्य आन्दोलनका कार्यक्रम अघि बढाएर केही दिनमा बस्ने संयुक्त लोकतान्त्रिक मधेसी मोर्चाको बैठकले आन्दोलनको स्वरुप परिवर्तन गर्ने बताए ।
यादवले भने–‘नाकाबन्दी लामो भयो, जनजीवन प्रभावित भएको छ, अव आन्दोलनको स्वरुप परिवर्तन गनुपर्छ ।’ यादवले अबको आन्दोलन भने तराईमा मात्रै केन्द्रित नभई पहाड र हिमालसम्म पुर्याउने दाबी गरेका छन् ।
आफूहरुले अहिंसात्मक आन्दोलन गरिरहेको भन्दै यादवले यो आन्दोलन असफल भए देश अर्को कोर्षमा जान्दै र त्यो बेला आन्दोलन आफूहरुको हातमा नहुने बताए ।
यता तमलोपाका महामन्त्री जितेन्द्र सोनलले भने संविधान संशोधनकै आधारमा नाकाबन्दी खोल्ने स्थिति नरहेको बताए । नाकाबन्दी खुल्ने भनेर प्रोपागाण्डा मच्चाउनुको तुक नरहेको सोनलको भनाई छ ।
सोही कार्यक्रममा सहभागी सद्भावनाका सहमहामन्त्री देवेन्द्र यादवले मधेसी जनताको भावनामाथि कुठाराघात गरे एकतर्फी रुपमा ल्याएको संविधान संशोधनको मधेसले कडा जवाफ दिने भन्दै राज्यले दमन गरे आन्दोलनको स्वरुप फेरबदल नहुने दाबी गरेका छन् ।
annapurnapost
