रेवती सापकोटा
फोटो :फाइल तस्बिर
काठमाडौं : प्रधानमन्त्री केपी ओली नेतृत्वको सरकारको मूल्यांकन तथा समीक्षा गर्न गर्न एमाओवादी अध्यक्ष पुष्पकमल दाहाल (प्रचण्ड) निवासमा मंगलबार विशेष बैठक बसेको छ ।
बैठकमा एमाओवादीका तर्फबाट सरकारमा सहभागी मन्त्रीहरु तथा पार्टीका स्थायी समिति सदस्यहरु छन् । बैठकमा सरकारमा सहभागी सदस्यहरुको भूमिका प्रभावकारी नभएको , पार्टी संयन्त्र र सरकारबीच समन्वय हुन नसकेको विषयमा छलफल भइरहेको एक सदस्यले बताए ।
त्यसैगरी संविधान संशोधन र मधेस आन्दोलनका विषयमा छलफल भएको छ। प्रचण्डले सरकारको भूमिका सन्तोषजनक नभए पनि तत्काल विकल्प खोज्न नहुनेमा जोड दिएका छन् । त्यसैगरी बाबुराम भट्टराईको नेतृत्वमा घोषणा भएको नयाँ शक्तिले संगठनमा पार्नसक्ने असरबारे पनि बैठकमा विश्लेषण गरिएको छ।
annapurnapost