आधा सिलिण्डर ग्यास वितरण गर्दा लागत बढेको र उपभोक्तालाई पनि असहज भएकाले पुरा सिलिण्डर वितरणको तयारी थालिएको उनले बताए ।
रिपोटर्स क्लवको साक्षात्कार कार्यक्रममा घिमिरेले अनुमति दिन सरकारलाई लिखित आग्रह गरिसकेको जानकारी दिदै दुई तीन दिनभित्र पुरै सिलिण्डर बजारमा पठाइने बताए ।
‘आधा सिलिण्डर ग्यास वितरण गर्दा ढुवानी र उत्पादन खर्च बढेको छ,’ उनले भने ‘सरकारले त्यो बढेको खर्च दिने हो भने मात्रै हुन्छ नभए हामी पुरा सिलिण्डर वितरण गर्न थाल्छौ । हामीले आन्तरिक रुपमा निर्णय गरिसकेका छौ ।’
कम ग्यास आएको भन्ने गुनासोमा उनले प्रत्येक डिलरले तराजु राख्नु पर्ने र उपभोक्ताले पनि तौलेर मात्र लिने बानी बसाल्नुपर्ने उनको भनाई थियो ।

कार्यक्रममा नेपाल आयल निगमका प्रवक्ता मुकुन्द प्रसाद घिमिरेले भारतीय आयल निगमले तत्काल ग्यासको लोडिङ्ग बढाउन नसक्ने जवाफ दिएकोले अबिले ग्यास सहज हुने अवस्था नहरेको भन्दै उनले  नयाँ निर्णय नहुन्जेलसम्म ७ दशमलब १ किलोकै सिलिण्डर वितरण गरिने जानकारी दिए ।
‘दैनिको ५५ बुलेट ग्यास आवश्यक पर्नेमा अहिले १५ बुलेट भन्दा बढी लोड दिएको छैन । त्यो भन्दा बढी दिन नसक्ने आईओसीले बताउँदै आएको छ ,’ उनले भने ‘त्यसैले ग्यास वितरणमा तत्काल सुधार आउँदैन ।’ उनले अहिले नै पूरा सिलिन्डिर ग्यास बजार पठाउने अवस्था नरहेको स्पष्ट पारे ।  उनले आगामि एक साताभित्र पेट्रोल र डिजेलको सहज वितरण हुने दावी समेत गरे ।

ekantipur