उनले सय दिनको अवधिमा संविधान कार्यान्वयन र पुर्ननिर्माणमा सरकारको प्रभाव शून्य भएको बताए । उनले भने, ‘जुन गतिमा काम गर्नुपथ्र्यो, त्यो अनुरुप सरकारले काम गर्न सकेन ।’

नेपाल प्रेस युनियन सुर्खेतले सोमवार आयोजना गरेको पत्रकार सम्मेलनमा महामन्त्री सिटौलाले भूकम्पबाट क्षतिग्रस्त संरचनाको पुनर्निर्माण र पीडितलाई राहत दिन तथा संविधानको कार्यान्वयनका सवालमा सरकारले कुनै काम नगरेकोले सय दिनको उपलव्धी शुन्य भएको दावी बताए ।

पुनर्निर्माण प्राधिकरण बनेपनि काम गर्न सकेको छैन, संविधान कार्यान्वयनमा कुनै पाइला चालिएको देखिएको छैन,  महामन्त्री सिटौलाले भने, ‘त्यसैले वर्तमान सरकारको सय दिन उल्लेख गर्न लायकको देखिएन ।’

प्राधिकरणले पनि सोचे अनुसार काम गर्न नसकेको उहाँले आरोप लगाए । पुनर्निर्माण कार्यमा सत्ता पक्ष र प्रतिपक्ष हुनुहुँदैन भन्ने सोच कांग्रेसले सहयोग गरिरहेको तर प्राधिकरण खै के कारणले हो काम नै गर्न नसकेको बुझ्न नसकिएको बताए ।

पुनर्निर्माण र पीडितहरुलाई बचाउन सरकारले कोषबाट जतिपनि रकम खर्च गर्नुपर्ने कांग्रेसको सहमति हुने महामन्त्री सिटौलाले बताए । उनले अहिलेको सरकारले कुनै उल्लेख्य काम गर्न नसकेको हुँदा अव राष्ट्रिय एकताको आवश्यकता भएको बताए । ।

यस्तै पार्टीको आसन्न १३ औं महाधिवेशनका वारेमा महामन्त्री सिटौलाले माघ २५ भन्दा अगाडि कुनैपनि नेताले उम्मेदवारी घोषणा गरे नपत्याउन आग्रह गरे । उनले अहिले नै उम्मेदवारी घोषणा गर्नुको कुनै अर्थ नहुने बताए ।

माघ २५ गते जिल्ला अधिवशेन सकिएपछि मात्र उम्मेदवार घोषणा गरिए पत्याउन सकिने भन्दै अहिले विभिन्न ठाँामा म यो पदमा उठ्छु भन्ने अभिव्यक्तिलाई विश्वास नगर्न उनले सुझाव दिए । उनले आफू पनि माघ २५ गते पछि नै उम्मेदवारी घोषणा गर्ने जानकारी दिए ।

महाधिवेशनपछि कांग्रेस नयाँ सोच र नयाँ नीतिका साथ आउने दावी पनि नेता सिटौलाले गरेका छन् ।  महाधिवेशनले कांग्रेसको पाँच बर्षे नीति, रणनीति र केन्द्रीय संरचनाको निर्वाचन गर्ने भएकोले विशेष महत्वको भएको उनले बताए ।