माघ ३, २०७२- व्यास–२ मालपोत लाईन दमौलीमा शनिबार साँझ भएको दोहोरो झडपमा धारिलो हतियार प्रहारबाट१६ बर्षीय किशोर दिनेश थापाको मृत्यु भएको छ । व्यास १० दमौलीका १७ वर्षीय रेगम थापा गम्भीर घाइते भएका छन् ।
दिनेशको उपचारको क्रममा दमौली अस्पतालमा मृत्यु भएको हो । उनको शव दमौली अस्पतालमा राखिएको छ ।
गम्भीर घाइते रेगमको दमौली अस्पतालमा उपचार हुन नसकेपछि थप उपचारको लागि शनिबार राति नै चरक अस्पताल पोखरा लगिएको छ ।
धेरै पहिलेदेखिको आन्तरिक रिसइवीलाई लिएर दोहोरो झडप भएको प्रारम्भिक अनुसन्धानबाट देखिएको प्रहरीले बताएको छ ।
झडपमा संलग्न भएको आशंकामा ३१ युवालाई शनिबार राति नै पक्राउ गरी प्रहरीले अनुसन्धान गरिरहेको छ ।
ekantipur