‘पर्वको अवसर पारेर समुदायका तपाईहरु सबै एकापसमा भेटघाट गर्ने र आपसमा सामीप्य गाँस्ने गर्नुहुन्छ भन्ने मलाई लाग्छ,’ उनले सन्देशमा भनेका छन्, ‘यसअर्थमा माघी पर्वलाई एकताको पर्वको रुपमा पनि लिन सकिन्छ। जलदेवता तथा प्रकृतिको पूजा गरिने भएकोले यो पर्व वातावरण र पर्यावरणसँग पनि सम्बन्धित रहेको मेरो विश्वास छ।’
त्यसैगरी, उपराष्ट्रपति नन्दबहादुर पुन ‘पासाङ’ ले पनि शुभकामना दिए। त्यसैगरी पूर्व प्रधानमन्त्री तथा नेपाली कांग्रेसका सभापति शुशिल कोइरालाले पनि शुभकामना दिँदै भने, ‘यो महत्वपूर्ण दिनले सबै नेपालीका बीचमा वन्धुत्व, सद्भाव, एकता र सहिष्णुता विकसित गर्दै मुलुकको राजनीतिक, संवैधानिक, आर्थिक, सामाजिक विकास, दिगो शान्ति र स्थायित्वका लागि समर्पित रहन हामी सबैलाई प्रेरणा दिन सकोस्।’
त्यस्तै, कांग्रेस उपसभापति रामचनद्र पौडेलले थारू समुदायको सबैभन्दा ठूलो चाड तथा थारु, मगर र छन्त्याल समुदायले राष्ट्रिय पर्वका रुपमा मनाउने माघी पर्वको उपलक्ष्यमा शुभकामना दिए छन्।
