दुर्घटना हुनु अघिकाे तस्बिरमा राताे घेरामा देखिएकाे निलाे ट्रक र माेटरसाईकल
गाेरखा । गाेरखाकाे अबुँवामा आज भएकाे सवारी दुर्घटनामा परी २ जना घाईते भएका छन् । घाईते दुवै जना माेटरसाईलमा सवार ब्यत्ती भएकाे जिल्ला प्रहरी कार्यालय गाेरखाका प्रहरी नायब उपरिक्षक एवं सूचना अधिकारी राज कुमार श्रेष्ठले बताए ।
साेमबार बिहान ११:५० बजे गोरखा नगरपालिका-१३ काे अवुवाँमा आँबुखैरेनीबाट गोरखा तर्फ जादै गरेको बा ५ ख ७२९० नं. को फोरविह्ल ट्रक र विपरित दिशाबाट आउदै गरेको बा ८२ प ७२४७ नं. को मोटरसाईकल एक-आपसमा ठक्कर खाएकाे उनले जानकारी दिए ।
दुर्घटनामा मोटरसाईकल चालक चितवन रत्ननगर न.पा. १३ बस्ने बर्ष अं. २३ को बिशाल रिजाल र उनका ट बर्षका छाेरा रियान्स रिजाल घाईते भएकाे हाे ।
दुवै जनाकाे खुट्टा र घुडामा चाेट लागेकाे प्रहरीले जानकारी दिएकाे छ । उनीहरकाे आँबुखैरेनी गाँउपालिका अस्पताल आँबुखैरेनी तनहुँमा सामान्य उपचार पछी थप उपचारकाे लागि काठमाडाैं लगिएकाे प्रहरीले जनाएकाे छ ।
प्रहरीले दुवै सवारी साधन नियन्त्रणमा लिएर अनुसन्धान थालेकाे जनाएकाे छ ।