गाेरखा । हेटौंडाबाट काठमाडौं आउजाउ गर्न एकतर्फी बनाइएकाे छ । सडकमा सवारी चाप बढेपछि आजदेखि साना यात्रुवाहक सवारीका लागि आउँदा र जाँदा एकतर्फी मार्ग प्रयोग गर्न भनिएकाे हाे ।
स्थानीय प्रशासनले १४ सिटभन्दा कम क्षमताका सवारीसाधन भीमफेदी–कुलेखानी–सिस्नेरी–दक्षिणकाली हुँदै जानेछन् । काठमाडौंबाट हेटौंडा जादा सवारी फर्पिङ–फाखेल–कुलेखानी–भीमफेदी हुँदै जानुपर्ने छ ।
जिल्ला प्रशासन कार्यालय मकवानपुरका अनुसार, मालवाहक तथा ठूला यात्रुवाहक सवारीसाधनले काठमाडौं प्रवेश गर्दा त्रिभुवन राजपथ र फर्किंदा कान्ति राजमार्ग प्रयोग गर्न रुट तय गरीएकाे जनाएकाे छ ।
पृथ्वी राजमार्गअन्तर्गत धादिङको कृष्णभीरमा सडक अवरुद्ध भएपछि हेटौंडा हुँदै काठमाडौं आवतजावत गर्ने सवारीको चाप ह्वात्तै बढेको छ । नयाँ व्यवस्थाले वैकल्पिक सडकमा हुने सवारी जाम तथा लामो समय सवारी रोक्नुपर्ने अवस्थाको अन्त्य हुने प्रशासनले विश्वास गरेकाे छ ।