गाेरखा । काठमाडौंको शंखमुलस्थित भ्याली ब्याइज होस्टलमा १ जना युवकको हत्या आरोपित फरार प्रमित पटेल पक्राउ परेका छन् ।

काठमाडौं महानगरपालिका-१० शंखमुलको उक्त होस्टलमा बस्ने दाङ घोराही उपमहानगरपालिका-१७ का २२ वर्षीय वसन्त कालाथोकीको धारिलो हतियार प्रहार गरी हत्या भएको थियो ।

उनीमाथि सोही होस्टलमा बस्ने बाराको कलैया उपमहानगरपालिका ३ का १८ वर्षीय शेखर यादव र २0 वर्षका प्रमित पटेलले धारिलो हतियार प्रहार गरी कुटपिट गरेका थिए ।

घटनामा गम्भीर घाइते भएका कालाथोकीलाई उपचारका लागि मीनभवनस्थित निजामती कर्मचारी अस्पताल लगिएको थियो । टाउको र घाँटीमा गम्भीर चोट लागेका उनको उपचारको क्रममा चिकित्सकले मृत घोषणा गरेको प्रहरीले जनाएको छ ।

घटनामा संलग्न शेखर यादवलाई यसअघि नै नियन्त्रणमा लिई अनुसन्धान गरिरहेको छ ।

घटनामा संलग्न पटेल भने फरार थिए । उनलाई काठमाडौं उपत्यका अपराध अनुसन्धान कार्यालय टेकुको समन्वयमा मकवानपुरको भैंसेबाट पक्राउ गरिएको हो ।

पक्राउ परेका पटेकललाई काठमाडौं लगिदै रहेको उपत्यका अपराध अनुसन्धान कार्यालय टेकुले जनाएकाे छ ।

लेखकबाट थप:

• शंखमूलको एक छात्रावासमा कुटाकुट : १ को मृत्यु, १ जना पक्राउ अर्का फरार
• रास्वपामा पदाधिकारी मनोनित : प्रवक्तामा खरेल र कोषाध्यक्षमा प्रधान चयन
• गाेरखाकाे खाेप्लाङबाट मध्य रातमा भरुवा बन्दुक सहित १ जना प्रहरी नियन्त्रणमा
• सुन चाँदी बढ्ने क्रम राेकिएन, आज पनि सुन ताेलामा ३३ सयले बढ्याे
• विश्व बजारमा तेलको मूल्य बढ्याे