गाेरखा । काठमाडौँको शंखमूलस्थित भ्याली ब्वाइज होस्टलमा कुटपिट हुँदा १ जना युवकको मृत्यु भएको छ भने १ जनालाई प्रहरीले पक्राउ गरेको छ । घटनामा संलग्न अर्का ब्यत्ती भने फरार भएकाले प्रहरीले ब्यापक रुपमा खाेजी गरिरहेकाे छ ।

जिल्ला प्रहरी परिसर, काठमाडौँका अनुसार, शंखमूलस्थित भ्याली ब्वाइज होस्टलमा ३ युवकबीच कुटपिट भएको थियो । कुटपिटका क्रममा धारिलो हतियार हानाहान भएको हो ।

दाङको घोराही उपमहानगरपालिका–१७ का २२ वर्षीय वसन्त कालाथोकी, बाराको कलैया उपमहानगरपालिका–३ का १८ वर्षीय शेखर यादव र २० वर्षीय प्रमित पटेलबीच कुटपिट भएको हो । कुटपिटका क्रममा वसन्त गम्भीर घाइते भएका थिए ।

उनलाई उपचारका लागि मिनभवनस्थित निवामती कर्मचारी अस्पताल लगिएकोमा उपचारकाे क्रममा मृत्यु भएकाे छ । उनकाे टाउको र घाँटीमा चोट लागेकाे प्रहरीले जानकारी जनाएको छ ।

कुटपिटमा संलग्न शेखरलाई प्रहरीले नियन्त्रणमा लिएको छ । अर्का युवक प्रमित फरार छन् ।

लेखकबाट थप:

• शंखमूलको एक छात्रावासमा कुटाकुट : फरार रहेका पटेल मकवानपुरबाट पक्राउ
• रास्वपामा पदाधिकारी मनोनित : प्रवक्तामा खरेल र कोषाध्यक्षमा प्रधान चयन
• गाेरखाकाे खाेप्लाङबाट मध्य रातमा भरुवा बन्दुक सहित १ जना प्रहरी नियन्त्रणमा
• सुन चाँदी बढ्ने क्रम राेकिएन, आज पनि सुन ताेलामा ३३ सयले बढ्याे
• विश्व बजारमा तेलको मूल्य बढ्याे