गाेरखा । ललितपुरको ग्वार्कोमा बस दुर्घटना हुँदा ज्यान गुमाएकी महिलाको पहिचान खुलेको छ ।
ज्यान गुमाउनेमा दोलखाको शैलुङ गाउँपालिका स्थायी घर भई हाल भक्तपुर सुर्यबिनायक बस्ने ४० वर्षीया जेनिशा लामा रहेको ललितपुर प्रहरी परिसले पुष्टी गरेकाे हाे ।
लामाको बिएण्डबी अस्पतालमा उपचारकाक्रममा मृत्यु भएको थियो ।
बिहीबार बिहान करिब १०:३० बजे बा २ ख ३५९० नम्बर बस दुर्घटना हुँदा १९ जना घाइते भएका थिए । उनीहरूको बिएण्डबी र ग्लोबल अस्पतालमा उपचार भइरहेको छ ।
कोटेश्वरबाट सातदोबाटोतर्फ जाँदै गरेको बस ग्वार्को चोकको फ्लाइओभरको भित्तामा ठोकिएर दुर्घटनामा परेको थियो ।
