गाेरखा । देशभर हाल मनसुनी वायुको प्रभाव रहेको छ । मनसुनको न्यूनचापीय रेखा सरदर स्थानभन्दा केही उत्तरतर्फ नेपालको तराई भाग नजिक रहेको जल तथा मौसम विज्ञान विभाग मौसम विभागले जनाएकाे छ ।
जसका कारण बागमती र गण्डकी प्रदेशको केही स्थानमा तथा कोशी, कर्णाली र सुदूरपश्चिम प्रदेशका थोरै स्थानमा र लुम्बिनी प्रदेशको केही स्थानमा मेघगर्जन चट्याङसहित मध्यम वर्षा भइरहेको विभागले जनाएको छ ।
विभागका अनुसार आज दिउँसो देशभर साधारणतया बादल लाग्नेछ । कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानमा मध्यम वर्षा तथा हिमपातको सम्भावना रहेको छ ।
यसैगरी कोशी, बागमती, गण्डकी र लुम्बिनी प्रदेशका पहाडी र तराई भाग साथै मधेस प्रदेशका धेरै स्थानमा मेघगर्जन चट्याङसहित र वर्षाको सम्भावना छ ।
कर्णाली प्रदेशका पहाडी भाग र सुदूरपश्चिम प्रदेशका पहाडी र तराई भागका केही स्थानमा पनि मेघगर्जन सहित चट्याङ तथा मध्यमसम्मको वर्षाको सम्भावना रहेको विभागले जनाएको छ ।
बागमती र गण्डकी प्रदेशका हिमाली, पहाडी र तराई भाग, कोशी प्रदेशका हिमाली र पहाडी भाग, मधेस प्रदेश तथा लुम्बिनी प्रदेशको पहाडी र तराई भागका केही स्थानमा भारीदेखि धेरै भारी वर्षाको सम्भावना छ ।
आजै देशका हिमाली भागका केही स्थानमा मध्यमसम्मको वर्षा र हिमपातको सम्भावना छ । कोशी, बागमती, गण्डकी र लुम्बिनी प्रदेशका पहाडी र तराई भाग साथै मधेस प्रदेशका धेरै स्थानमा मेघगर्जन र चट्याङसहित मध्यमसम्मको वर्षाको सम्भावना छ ।
कर्णाली प्रदेशका पहाडी भाग र सुदूरपश्चिम प्रदेशका पहाडी र तराई भागका थोरै स्थानमा मेघगर्जन र चट्याङसहित मध्यमसम्मको वर्षाको सम्भावना छ ।
विभागले कोशी, बागमती र गण्डकी प्रदेशका हिमाली र पहाडी भाग तथा लुम्बिनी प्रदेशको पहाडी र तराई भागका केही स्थानमा भारीदेखि धेरै भारी वर्षाको सम्भावना रहेको जनाएको छ ।
