गाेरखा । नेपाली कांग्रेसका वरिष्ठ नेता तथा पूर्वउपप्रधानमन्त्री गोपालमान श्रेष्ठको पार्थिव शरीर श्रद्धाञ्जलीका लागि पार्टी केन्द्रीय कार्यालय सानेपामा राखिएको छ ।
केन्द्रीय कार्यालय प्राङ्गणमा श्रेष्ठको पार्थिव शरीर श्रद्धाञ्जलीका लागि राखिएको हो ।
आज बिहान बसेको केन्द्रीय कार्यसमिति बैठकले श्रेष्ठको निधनमा शोक प्रस्ताव पारित गरेको थियो ।
सभापति गगन थापाले पार्टीको झन्डा ओढाएर श्रद्धाञ्जली अर्पण गरेका छन् । अहिले केन्द्रीय कार्यालयमा नेता कार्यकर्ताहरूको भिड लागेको छ ।
क्यान्सरबाट पीडित श्रेष्ठको ७९ वर्षको उमेरमा मंगलबार निधन भएको थियो । उनकाे आजै शवयात्रासहित पशुपति आर्यघाटमा अन्त्येष्टि गर्ने कार्यक्रम छ ।
