गाेरखा । लगातार वर्षा र सम्भावित जोखिमलाई मध्यनजर गर्दै जिल्ला प्रशासन कार्यालय चितवनले नारायणगढ–मुग्लिङ–काठमाडौं सडकखण्डमा राति १० बजेदेखि सवारी आवागमन बन्द गर्ने निर्णय गरेको छ ।
जिल्ला प्रशासन कार्यालय चितवनका अनुसार धादिङलगायत छिमेकी जिल्ला तथा चितवनका विभिन्न स्थानमा वर्षा भइरहेको र अझै वर्षा बढ्ने पूर्वानुमान रहेकाले रातिको समयमा सवारी सञ्चालन गर्दा हुनसक्ने जोखिमलाई ध्यानमा राख्दै सवारी रोक लगाइएको हो ।
आज २०८३ साल साउन ३ गते आइतबार राति १०:०० बजेदेखि अर्को सूचना जारी नभएसम्म नारायणगढ–मुग्लिङ–काठमाडौं सडकखण्डमा चल्ने सबै प्रकारका सवारी साधनको आवागमन बन्द रहने जनाइएको छ ।
यात्रु तथा सवारी चालकलाई पर्न गएको असुविधाप्रति जिल्ला सुरक्षा समिति चितवनले क्षमायाचना गर्दै थप सूचना, सहयोग तथा समन्वयका लागि सम्बन्धित निकायका नम्बरमा सम्पर्क गर्न आग्रह गरेको छ ।
सम्पर्क नम्बरहरू :
नेपाल प्रहरी : १००
सशस्त्र प्रहरी बल नेपाल : १११४
जिल्ला आपतकालीन केन्द्र (DEOC) : १२३४
जिल्ला प्रहरी कार्यालय चितवन (सूचना अधिकारी) : ९८५५०१३९९९
