गाेरखा । डडेल्धुरामा गएराती २ बजे भएको जिप दुर्घटनामा २ जनाको मृत्यु भएको छ । साेही दुर्घटनामा परी अन्य ३ जना घाईते भएका छन् ।
धनगढी बाट दार्चुला तर्फ गईरहेको सु प प्र ०१–००१ज १८५० नं. जीप दशरथ चन्द राजमार्ग सडक खण्ड अर्न्तगत डडेल्धुराको अमरगढी नगरपालिका ७, खसरेखान नजिक जीप दुर्घटना हुदा दार्चुला जिल्लाको अपिहिमाल गाउँपालिका-१ वस्ने वर्ष अन्दाजी ४५ का सुगन लोथ्याल र वर्ष अन्दाजी २८ की अनु लोथ्यालको मृत्यु भएको जिल्ला प्रहरी कायालय डडेल्धुराका सुचना अधिकारी प्रहरी निरिक्षक भाष्कर चंदले बताए ।
उनका अनुसार दुर्घटनामा परि चालक बैतडी जिल्ला डिलाशैनी गाउँपालिका-३ वस्ने वर्ष अन्दाजी २० का अमृत घरेडी, दार्चुला जिल्ला अपिहिमाल गाउँपालिका-१ वस्ने वर्ष अन्दाजी ३५ की सरस्वती लोथ्याल र दार्चुला जिल्लाकै मार्मा गाउँपालिका-३ वस्ने वर्ष अन्दाजी ५० का अमर सिंह घाईते भएका छन ।
घाईते तीनै जनाको उपचार डडेल्धुरा अस्पतालमा भईरहेको उनले जानकारी दिए । प्रारम्भिक अनुसन्धानमा रातीको समयमा जीप अनियन्त्रित भई दुर्घटना भएको हुनसक्ने देखिएको छ ।
जीप करिब ४०० मिटर तर भिरमा खसेको छ ।
