गाेरखा । हाल देशका केही स्थानमा मनसुनी वायुको प्रभाव कायमै छ । जसका कारण कोशी, मधेस र बागमती प्रदेशका सम्पूर्ण भाग, गण्डकी प्रदेशको केही भाग र लुम्बिनी प्रदेशको पूर्वी भागको थोरै स्थानमा मनसुनी वायुको प्रभाव कायम छ भने अन्य भागमा पश्चिमी वायु र स्थानीय वायुको आंशिक प्रभाव देखिएकाे जल तथा मौसम विज्ञान विभाग, मौसम पूर्वानुमान महाशाखाले जनाएकाे छ ।
अब गण्डकी र लुम्बिनी प्रदेशको बाँकी भाग, कर्णाली र सुदुरपश्चिम प्रदेशका सम्पूर्ण भागमा २–३ दिनमा मनसुन विस्तार हुने सम्भावना छ ।
विभागका अनुसार कोशी र मधेस प्रदेश तथा देशको पहाडी र हिमाली भागमा साधाराणतया बादल लागेको छ र तराईका भागमा आंशिक बादल लागेको छ ।
देशभर साधारणतया बादल लागेको छ । कोशी, बागमती र लुम्बिनी प्रदेशको केही स्थानमा तथा गण्डकी, कर्णाली र सुदूरपश्चिम प्रदेशको केही स्थानमा हल्कादेखि मध्यमसम्मको वर्षा भइरहेको छ ।
आज दिउँसो देशभर साधारणतया बादल लाग्नेछ विभागले अनुमान गरेकाे छ । कोशी, बागमती र गण्डकी प्रदेशका पहाडी र हिमाली भागका केही स्थानमा, लुम्बिनी, कर्णाली र सुदूरपश्चिम प्रदेशको पहाडी र हिमाली भागका केही स्थानमा मेघगर्जन सहित चट्याङ तथा मध्यमसम्म वर्षा हिमपातको संभावना रहेकाे छ ।
कोशी प्रदेशका पहाडी र तराई भागका केही स्थानमा भारी वर्षाको समेत सम्भावना रहेको छ । कोशी प्रदेशको तराई र मधेस प्रदेशको केही स्थानमा हावाहुरीको पनि सम्भावना रहेको छ ।
साथै आज राति देशभर साधारणतया बादल लाग्नेछ । कोशी, बागमती, गण्डकी प्रदेशका पहाडी र हिमाली भागका धेरै स्थान, र लुम्बिनी प्रदेशका पहाडी भागका केही स्थानमा र हिमाली भागका थोरै स्थानमा मेघगर्जन चट्याङसहित मध्यमसम्मको वर्षा तथा हिमपातको सम्भावना छ ।
कर्णाली र सुदूरपश्चिम प्रदेशको पहाडी भागका थोरै स्थान तथा हिमाली भागका केही स्थानमा मेघगर्जन चट्याङसहित मध्यमसम्मको वर्षा तथा हिमपातको सम्भावना छ ।
मधेस प्रदेश तथा कोशी, बागमती, गण्डकी प्रदेशका तराईका धेरै तथा लुम्बिनी र सुदूरपश्चिम प्रदेशका तराईका केही स्थानमा मेघगर्जन चट्याङसहित मध्यमसम्मको वर्षाको सम्भावना छ ।
कोशी प्रदेशका थोरै स्थानमा भारीदेखि धेरै भारी वर्षाको सम्भावना रहेको छ ।
मधेस, बागमती, गण्डकी प्रदेशको केही स्थानमा पनि भारी वर्षाको सम्भावना रहेको छ । कोशी प्रदेश, बागमती, गण्डकी र लुम्बिनी प्रदेशका तराई तथा मधेस प्रदेशको केही स्थानमा हावाहुरीको पनि सम्भावना छ ।